阿Paul （左）提到家駒的墓碑遭人破壞顯得比家強更勞氣。
樂壇班霸Beyond 主音黃家駒位於將軍澳的墓碑被人惡意破壞，家駒的胞弟家強和黃貫中（Paul ）昨日談到此事即一臉嚴肅，Paul 更勞氣地指有如自己的墓碑被人破壞般難受。
阿Paul 扯火
黃家強和黃貫中冰釋前嫌後聯手開騷，將於下月24 至26 號在紅館舉行「This isRock &Roll Live in HK 」，昨日家強和Paul 在尖沙嘴出席記者會，門票於今日開始發售。
阿Paul 與家強冰釋前嫌後聯手開騷，但世榮因檔期問題未能合作。
促滋事者反省
談到早前發現黃家駒位於將軍澳墳場的墓碑給人惡意破壞，石碑上的結他被人用黑筆塗污，家強和Paul 一聽到即表現嚴肅，家強說：「我已經報咗案，警方調查緊，對於破壞嘅人我唔寄望佢會自首，但我希望佢會後悔，以後唔好再生事同騷擾。」
阿Paul 則直言：「我真係好嬲，乜事都好，唔好搞唔喺度嘅人，咁係好唔尊重同侮辱，呢個墓碑唔單止代表家駒一個人，而係代表千萬愛護佢嘅人，破壞所有人嘅嘢，整爛佢個墓即係等如整爛我個墓一樣，有乜咁大仇口呢？」家強表示已經請人修葺墓碑，今個月30 號家駒的死忌他亦會如常前往拜祭。
家駒的墓碑被人惡意破壞，把結他畫上黑邊。
資料圖片
家強囝囝捧場
至於三場演唱會，家強和Paul 表示會以三面台演出，對於葉世榮因檔期未能演出，家強直言相當可惜，但無奈世榮的檔期已排得很密，根本沒有時間綵排。Paul 笑說：「如果世榮嚟睇，一定會拉佢上台。」
兩人異口同聲表示家人亦會現身捧場，家強稱：「我嘅老婆第一場會帶埋囝囝嚟睇，但只會睇半個鐘，我亦會買定個護耳罩畀囝囝戴住。」另外也會請嘉賓上台，包括太極、黃耀明和已解散的阿龍大，此外還有陳奕迅（Eason ），但問到Eason 並非band 友，家強笑說：「佢生活夠晒rock 就OK 。」
蘋果日報
