關浚賢五官同媽咪關淑怡影印一樣，但睇吓啲女仔淨係對佢特別熱情，就知佢唔輸俾曾志偉。
關淑怡○二加拿大未婚生仔，之後一直有傳佢個肚嘅經手人係曾志偉，雖然關淑怡舊年接受訪問時話仔仔知道自己老豆係邊個，但對外，從冇公開解畫，令志偉做足經手人七年。
係喇嘛又好，志偉嘅又好，你問我，照樣睇，七歲嘅關浚賢簡直係關淑怡倒模，如果要搵樣嘢似志偉嘅，應該係好有女人緣囉。上星期五（十七日），《壹》仔喺愉景灣廣場見到佢同班朋友仔玩，三男二女，兩個女仔係咁捉佢唔願放手，受歡迎程度，絕對不下於「爹哋」志偉。
七歲仔，換牙仔。
仔仔同朋友仔玩，關淑怡就坐响露天茶座煲煙。
仔仔玩飽，阿媽煲完煙，齊齊等巴士返屋企。
