新車兜風︰2 月21 日4:30pm
便裝打扮的鄭嘉穎駕駛新買（05 年出廠）的黑色Golf GTI 座駕，載阿佘入西貢匡湖居，入閘一刻，阿佘為掩人耳目，更刻意縮低身兼擰歪面。
33歲的「緋聞女王」佘詩曼，去年9 月被爆撇甩吳卓羲，成功嗲掂39 歲的鄭嘉穎，令鄭與周麗淇的五年地下情玩完。周麗淇憑受害人身份攞晒同情分，相反姣佘遇着負心漢，令兩人背上「劈腿」罪名，形象隨即大插水。
為了將戀情保密，阿佘和鄭嘉穎除了行事格外小心外，惟有死口唔認戀情。早前阿佘被問到會否與鄭出外拍拖時，她更擘大眼講大話說：「俾個天我做膽都唔敢，我哋只係朋友同事。」
天網恢恢，二人「偷情」半年終於斷正。上月21 日，本刊拍得鄭嘉穎駕着新車駛入西貢匡湖居，坐在他隔籬的正是佘詩曼。當時頭戴貨車帽的阿佘，成個身縮低來坐，行徑相當鬼祟，擺明「身有屎」。
記者發現鄭嘉穎鬼祟「屈佘」當日，分別所戴的黑色和粉紅色貨車帽，正是兩人去年台慶綵排時戴過的。
大話精：我冇坐過佢車
入行以來，佘詩曼緋聞多多，故有「姣佘」及「緋聞女王」稱號。
近日阿佘與鄭嘉穎要開工拍攝《宮心計》，即使兩人同廠化妝，但在不少工作人員在場之下，兩人往往各據一方扮唔識。
上月21 日（周六）下午四時半，記者發現頭戴黑色貨車帽的鄭嘉穎，駕着從未曝光的黑色Golf GTI 座駕於西貢出現，坐在他隔籬座位的，正是一直唔肯認與他拍拖的佘詩曼。當時鄭嘉穎以普通時速行駛，轉入西貢匡湖居時，可能發現有可疑車輛在外停泊，他竟突然加速。本來成個女主人咁款的阿佘，此時亦變得緊張起來，更將成個身壓低來坐，並迅速擰歪面，避免正面被攝入鏡頭。
事後記者嘗試入匡湖居尋找二人，可惜一向機警的鄭嘉穎，以高速撇甩採訪車。記者觀察所得，阿佘和鄭嘉穎當時戴着的貨車帽，正是他們去年為台慶綵排時所戴的一模一樣。
買定外賣︰2 月22 日4:00pm
還未拍《宮心計》的鄭嘉穎，踢住拖一身街坊裝駕車由南圍村寓所到附近的匡湖居食肆購外買。最奇怪的是，他竟買了兩大袋共4 盒食物，看來並非單是他一人的分量。
之後鄭嘉穎返回南圍村屋，拉上全層窗簾，一直未有再外出。
新溝女車規格
車型：Golf GTI 2.0
容積：1,984c.c
馬力：200/5100ps/rpm
扭力：28.6/1800kgm/rpm
極速：233km/hrs
車價：約$30 萬
屈佘有前科
佘詩曼曾被指是收入最高的當家花旦，出入揸富貴Benz 跑，不過每當他搭上小生，總享受做回乘客坐男方座駕，姣佘被斷正「屈佘」早有前科。
有村民在網上大爆，8 號風球當晚阿佘在嘉穎車上縮埋一嚿。
鄭嘉穎當日水浸屈佘事敗所駕駛的白色Golf 座駕，之後被拖走。《蘋果日報》圖片
8 號風球會嘉穎
去年9 月，鄭嘉穎以為8 號風球襲港，以其白色Golf 座駕載阿佘返回其南圍村屋，就會神不知鬼不覺。誰知連場大雨導致水浸，鄭甫入村，座駕即時「死火」，大批村民幫手推車，才赫然發現刻意校低座位的阿佘尷尬縮埋一角。事後目擊的村民更在「親子王國」網上討論區踢爆此事。
放低阿佘後，發現記者的吳卓羲一面尷尬，惟有絞低頂帽，堅持唔肯拉下車窗。
斷正搭上吳卓羲
阿佘撇甩拍拖4 年的陳浩民後不久，即與吳卓羲撻着。07 年初，本刊拍下她鬼祟出現在吳卓羲所住的將軍澳清水灣半島，更坐上男方Audi 新溝女戰車，直駛往上環港澳碼頭。
3 月23 日︰口供唔夾
記者在新劇《宮心計》活動上，就「屈佘」事件，同時間問阿佘和鄭嘉穎。身經百戰的阿佘堅稱冇坐過嘉穎車。
至於另一邊的鄭嘉穎對於以座駕載阿佘，則默認說：「嗱……你唔好為難我啦！」兩人口供明顯有出入。
當記者問完這對緋聞情侶後，兩人再被邀合照時，顯然有點尷尬，而身邊的陳豪更陰陰笑刻意彈開。
拍劇前最後一聚
去年9 月初，有報章率先揭發鄭嘉穎與佘詩曼撻着的消息，半個月後，更有網民大爆二人在8 號風球當晚，鄭嘉穎偷運阿佘入村，由於傳媒一直未有拍下「斷正」照片，兩人因而死口唔認。
上月，兩人知道即將會忙於拍攝無綫新劇《宮心計》，屆時必會惹來傳媒追訪，所以鄭嘉穎早前秘密換了一部黑色Golf 辣車，在拍劇之前用來接載阿佘，爭取最後相聚的機會。
周一（23 日），鄭嘉穎和佘詩曼雙雙出席「香港國際影視展」為《宮心計》宣傳，本刊記者同一時間分別向二人問及鬼祟同車一事，二人口供完全唔夾。
記：記者 佘：佘詩曼 鄭：鄭嘉穎
記：你上個月係咪同嘉穎同車去西貢匡湖居？
佘：（眼都冇眨）我冇坐過佢車，冇同佢同車！
記：私底下真係冇？
佘：有，都係公司廿四座嗰啲小巴，一齊開工，咁算唔算私下呀！
記：但有人見過你哋一齊喎？你仲好鬼祟㖭！
佘：（反問）你喺邊本（雜誌）見過，出咗嘅咩？係幾時嘅事？嗰時你唔嚟問我？總之同車（指與嘉穎）都係公司小巴，我返工放工當然自己揸車。
記：諗住幾時公開戀情呀？
佘：唔講喇，要講都講過晒！
近年無綫除了安排阿佘和鄭嘉穎拍《法證先鋒Ⅱ》等劇外，更讓兩人以情侶檔去多倫多等地登台搵真銀。
嘉穎：唔好為難我
阿佘擘大眼講大話，一時話冇，一時又反問記者幾時拍下她與鄭同車，講到語無倫次。相反鄭嘉穎在冇得夾口供之下，怕愈講愈錯，惟有要求記者放過佢。
記：你同阿佘幾時公開？
鄭：你想我答咩呀？我冇嘢再講喇，講嚟講去都係三幅被。
記：你係咪車過阿佘？
鄭：嗱……我好禮貌咁回答你嘅問題，你都唔好再為難我喇！
記：係咪諗住以後拍拖都係地下情呀？
鄭：呢啲嘢我唔會再討論㗎喇，唔該晒！
3 月2 日，阿佘要入廠拍《宮心計》，百無聊賴的鄭嘉穎，下午帶齊網球用品，離開村屋，去匡湖居會所打波。
有鋪屈佘癮
其實唔止鄭嘉穎，阿佘對感情事亦往往選擇「地下化」，入行以來只承認過曾與陳浩民拍拖。除了愛搞地下情，阿佘亦有鋪「屈佘癮」。07 年1 月，她到吳卓羲寓所清水灣半島私會後，男方同樣駕着新買的Audi 辣車接載阿佘到港澳碼頭。當時本刊就拍得Audi 駛至東區走廊途中，先見到匿埋喺後座嘅阿佘突然鬼祟地爬番上前座。
電視城隔空傾偈︰3 月15 日4:00pm
由於兩人拍劇時間不同，很難相約會面，這天他們在電視城走廊遇上，見四野無人，他們離廿呎都忍唔住回頭傾偈。
阿佘與鄭嘉穎分開後不久，她即邊行去取車邊煲電話粥。
算命找真命天子
「佘穎戀」秘密搞埋半年，曾一度有傳愛夜蒲的阿佘，嫌男方性格悶蛋而怒撇他，但據阿佘身邊人透露，33 歲的阿佘深知自己年紀唔細，亦曾考慮鄭嘉穎為結婚對象，更嘗試找玄學家算命，希望覓得良緣。
「阿佘話晒係中女，呢幾年修心養性咗好多，仲話想有一個固定伴侶。佢因為唔想自己出面，曾經託朋友問過幾個玄學家，算下鄭嘉穎係咪佢嘅真命天子喎！睇嚟佢對鄭嘉穎都幾認真，唔似之前嗰啲玩玩吓！」知情者透露。
阿佘絕對大可放心，事關本刊連日來發現鄭的私生活非常健康，不用拍攝《宮心計》時，就會到匡湖居打網球。未知鄭佘同車斷正當日，係咪就係去匡湖居開波呢？
上丁子高寓所《壹週刊》圖片
吳卓羲屈佘事件《蘋果日報》圖片
回應介入馬德鐘婚姻
緋聞次次唔認
今次斷正阿佘鬼祟坐鄭嘉穎新座駕，兩人在冇機會夾口供之下，男方惟有默認載過阿佘，阿佘依然唔認。其實觀乎多年記錄，被指是「緋聞女王」的阿佘次次被問到戀情，她態度如一：打死唔認。
否認打風會嘉穎
早前被問到8 號風球當晚，要在鄭嘉穎村屋澗水走人，阿佘又大話精上身，她說：「唔係呀，唔回應，我冇去過西貢，我去咗同樂小姐食飯。」
吳卓羲屈佘事件
對於阿佘鬼祟上吳卓羲座駕，事後她說：「希望周刊唔好再做媒人，我只可以講真命天子未出現。」
上丁子高寓所
05 年尾，姣佘被拍下單獨上丁子高寓所過夜，事後她死撐說：「因為我叫丁子高帶我買健康食品，咁我經過跑馬地咪順便上去囉！」
回應介入馬德鐘婚姻
06 年，阿佘被指與馬德鐘拍劇撻着，介入男方婚姻，為此阿佘不耐煩說：「呢啲報道都唔使信啦，今日係主力講《火舞黃沙》。」
