上海直擊許志安、蘇永康、張達明同李璨琛等，前晚到上海、劉嘉玲有份開嘅酒吧M2，出席PLAYBOY 舉行嘅眼鏡活動，個場有班性感兔女郎跳舞，而安仔成班人又執到好正戴晒眼鏡、墨鏡去party ，佢哋仲好開心咁同班性感兔女郎影相添，真係艷福不淺！
許志安出席派對回答同Sammi （小圖）復合傳聞時黑面，但同兔女郎就傾得好開心。 《新浪娛樂》圖片
張達明同兔女郎合照都豎起拇指讚好。
康仔落井下石
安仔個老友張衞健結婚之後，就傳出安仔同鄭秀文（Sammi ）舊情復熾，所以安仔一到場，就俾班記者捉住問佢係咪同Sammi 復合，佢用普通話否認：「這不是事實。」再追問佢有冇可能復合，佢好嚴肅仲黑起塊面話：「從來沒有這回事，不需要向不是事實的事情交代。」點知安仔嘅老友蘇永康好抵死咁話佢特別專一，十幾年嚟緋聞傳嚟傳去都仲係Sammi 咁話。而在場記者同康仔講頭先安仔黑面，康仔即為老友解釋：「鄭秀文的問題不要再問了，許志安很快就要有新的戀情了！」
逾百衣著性感嘅兔女郎前晚穿梭眼鏡派對同嘉賓合照。
http://appledaily.atnext. ... art_id=12391388
