做鴨使乜搵命博！(真實對白)
魔術手事件後，又爆單港男做鴨。其中提及一名「理埋小生家事」兼黐埋「同志戲導演搵食」，茅頭直指同林保怡做過好朋友的'05 落選港男彭冠期。
不過呢位疑似港鴨冇富貴，仲要搏到盡為雲翔部新戲《安非他命》全裸拍跳樓戲，俾人影射，彭冠期㷫住話：「做鴨使乜搵命博呀！」係喎，究竟邊個先係鴨呢？
彭冠期（左）和高鈞賢同是'05 香港先生，這邊廂彭冠期俾人「暗爆」話鴨，同屆冠軍高鈞賢就話：「我選港男嗰時都有人話係選鴨仔……我都想知自己值幾錢。」《蘋果日報》圖片
跳樓雀仔有功夫底又瘦咗10 磅嘅彭冠期全裸加對翼仲要紋身兼噴到成身銀油，問佢究竟場戲講乜？佢話：「講我take 完嘢high 咗，幻想自己係雀仔跳咗落樓。」意境幾高喎！
撻傷舊患
早前拍飛車鏡頭已經唔小心炒鑊甘，搞到手指公裂骨嘅彭冠期，第一跳即「中招」傷舊患，不過最後佢跳咗5 次先滿意。
雲翔指導
拍攝當日彭冠期冇清場，赤條條喺現場走嚟走去，仲要俾導演兼老闆雲翔（紅圈）當眾訓話，為套戲好都冇辦法啦，不過鬧者愛也啫！
基場宣傳
上週五（13 日）拍親戲都有裸男登場的雲翔（中），帶埋彭冠期（黃圈）、Osman （EO2 、右二）過台灣宣傳電影《永久居留》，夜晚去咗當地數一數二嘅gay 吧Funky 搞活動，彭冠期離開酒吧前仲送白玫瑰畀在場男士，玩基唔怕俾人講。
最近有報道話港男「秘撈」做鴨搵食，其中疑似港鴨嘅彭冠期早排俾拍開同志電影嘅雲翔睇中簽佢一世，第一擊為電影《永久居留》拍全裸照寫真集；第二擊為擔正電影《安非他命》更加搏到盡，全裸預咗，仲要真跳樓，搏到咁都俾人話係鴨，彭冠期話：「呢套戲又要跳3 層樓、又要跳橋，仲要飛車，搞到右手指公裂骨，咁都算有人包咩？如果做鴨使乜搵命博呀！」
我冇回應！(真實對白)
去年林保怡母親逝世，彭冠期更親身為林母燒衣，理埋林保怡家事，但當記者嗱彭冠期拍戲全裸相畀林保怡睇時，保怡避忌握拳：「我真係好耐冇同佢聯絡，佢嘅嘢我冇回應。」
鬧TVB 怕蝕底拍攝當日（1 月24 日）氣溫只得9 度，彭冠期企喺天台凍到騰騰震仍然頂硬上，赤裸任人睇唔係人人做得到，不過彭冠期話最辛苦並非俾人睇全相：「之前有場戲要我揸電單車，嗰日我連拍6 日戲好
，結果炒車，今日又要跳3 層樓高，我驚人講？我怕痛多嘅囉！其實無線早兩個月前打畀我，叫我返去傾吓再合作，我話拍緊戲，佢哋又問長問短驚死蝕底，正一輸打贏要！」係囉，而家跟岩人搵到錢有戲拍，牌面贏咗啦。
至於被指疑似包港男嘅富貴電影投資者雲翔更係一笑置之：「如果我包佢就錫住佢喇，唔會叫佢跳橋跳樓，叫佢行街食飯好過啦！」做鴨做到要跳樓，似乎又真係講唔通喎！
白韻琴：「我有聽聞兼職鴨」雜誌再爆有港男做鴨仔，火速成為名門闊太討論話題，唔少闊太名人都對鴨仔有所聽聞，白韻琴仲爆富婆最
健身練教同跳舞導師。
白韻琴：有男藝員專識闊太「港男鴨我冇聽過，我十幾年前已聽過2 、3 線男藝人識闊太，係邊個就唔知，除咗藝人，仲有跳社交舞老師同健身教練都聽聞過有兼職做鴨，因為佢哋成日有身體接觸，同嘅闊太日久生情撻喺有乜出奇？」
陳細潔：秘密約會「而家名人圈個個估邊個係港男鴨，以我所知嘅闊太鍾意同唔出名嘅男藝人一齊，貪佢唔敢咁高調俾人知，佢哋通常喺公開場合認識後，就會約埋私下再發展，約會地點愈秘密愈好。」
趙金卿：想識港男「其實唔好話港男想識我，我本人反而就好想主動識佢哋，因為好多時我搞慈善活動要請佢哋出席，認識佢哋方便嘅，至於話港男做鴨我就未聽過！」
陳志雲
雲翔
舊老細冇眼睇陳志雲：係佢嘅事！
見到疑似彭冠期全裸劇照，陳總即時叫記者摺埋張相先再講：「我唔會回應亦唔會睇，佢已經唔係我哋藝員，佢點發展係佢嘅事。」
有米電影投資者雲翔：預咗人講
「我冇包養彭冠期，如果有點會要佢傷晒仲繼續拍戲呀！入得呢行預咗俾人寫，你哋愈講我愈要拍，做嘢唔使諗得咁複雜嘅！」
