自去年6 月謝婷婷被發現同安志杰孖 行街，兩個「鬼聲鬼氣」後即傳出緋聞，ready 大半年，安志杰本月初更出招，向傳媒直認已向婷婷表白。強調剛與蒲場DJ 男友甩拖的婷婷，亦講明雙方有發展機會，經常互傳甜蜜SMS 。
表面證供男女有意，要行埋話咁易，但實情26 歲婷婷嫌31 歲大隻佬安志杰老土兼宅男，吊住大隻男只為「宣傳易」。情人節前夕，婷婷反而暗陪老外老蘭街頭開餐，安志杰輸凸喎！
本月初，安志杰向台灣傳媒自爆，已向謝婷婷表白，更稱一早已對婷婷嗒糖，可惜女方早有DJ 男友Drafus ，直至上月婷婷宣布同男友分手，安志杰先敢去馬。
懨悶追
上月13 日，謝婷婷同安志杰被撞破相約喺跑馬地食飯，可惜日本餐廳唔岩胃口，截的士去第二度再搵食。
安志杰
情趣食
情人節前夕（2 月13 日）謝婷婷晚上9 點幾同老外朋友喺荷李活道Classified 餐廳食晚飯，老外對婷婷深情望，連面前美食都好少理。
老外傾電話期間，婷婷唔覺意用腳撩到老外小腿，誘人到暈。
婷婷在街頭不停交疊玉腿，其間發覺自己甩鞋帶，於是又踢起腳整理，男人見到點唔心動。
免費宣傳
謝婷婷雖然唔認與安志杰展開戀情，但每逢記者問到與安志杰關係，婷婷都好大方，承認經常互傳短訊，又會約去街，毫不避忌。
不過據知情人士踢爆，其實婷婷只當安志杰係觀音兵：「安志杰追咗佢好耐啦，但婷婷嫌佢老土，因為安志杰唔鍾意出街，成日掛住打機，又冇乜嘢做，冇錢兼唔肯使錢，婷婷蒲慣豪慣，點會接受佢呀！只係有人教婷婷，既然安志杰追佢係事實，咪當做宣傳囉。」婷婷早前亦忍唔住話：「佢（安志杰）成日同我哥哥（霆鋒）打機，仲打到好癲，有少少過分！」情人節前夕，本刊更發現婷婷飛起安志杰，相約型老外到中環短聚，婷婷更本能地不停交疊雙腿，極盡挑逗，老土宅男安志杰要變陣啦！
最近婷婷獅子開大口叫價8 萬一個騷，上週五佢出席Ann Demeulemeester '09 春夏時裝騷，因為一早接落都收5 萬仲另加服裝贊助，悠悠閒掛住打機嘅安志杰點夠佢咁進取呢？難怪婷婷話：「好多圈中情侶都因為報道寫咗而鬧交，我未結婚，佢又唔係我老公。」
