安志杰（Andy ）自爆與謝婷婷蜜運後，Andy 身邊好友一致替他高興，但昨日Andy 卻急轉口風，透過經理人澄清與婷婷只是好友，不過婷婷前男友則踢爆婷婷正在蜜運，令事件倍添神秘感。Andy 日前接受台灣傳媒訪問，除直認對謝婷婷早有愛意，還承認二人已發展戀情，事件傳出後，Andy 即致電經理人李小姐，轉口風強調與婷婷只是好友，李小姐說：「Andy 話睇完報紙好震驚，話當時意思係指好享受同婷婷嘅相處，大家只係好朋友。」李小姐還笑謂追問Andy 與婷婷之關係時，Andy 竟支吾以對：「我估計佢哋係極有好感階段，唔排除有發展機會，不過Andy 依家都係寄情事業。」
搵經理人回應
記者致電身處日本的婷婷，問她與Andy 的戀情，她則重複兩次說：「Not rightnow ！」之後就掛線，記者亦再聯絡不到她，並透過經理人表示暫不回應。
婷婷的前DJ 男友Drafus Chow 則踢爆婷婷正在蜜運，他說：「我哋已經分開咗一段時間，知佢依家拍緊拖，但唔知同邊個同發展成點，我唔想講咁多。」
好友讚襯到絕
Andy 身邊好友則一致看好他與婷婷的戀情，其中伍允龍認為二人襯到絕，並會祝福他們。譚俊彥則認為Andy 與婷婷拍拖是正常事：「佢哋都係外國返嚟，又傾得埋，拍拖好正常，佢知道自己做緊乜，但係……乜佢唔係同Rosanne 咩？我聽過好多版本，後生仔係咁
啦。」
文：專案組
身在日本的謝婷婷透過經理人表示，不想回應與安志杰的緋聞。 （資料圖片）
