金融海嘯下，香港經濟前景未明，人人處境不一。去年入行做模特兒的謝婷婷，前晚大露背行騷，新年繼續外遊兼大派利是，徐濠縈更逆市加活動酬勞，難怪可以誇口海嘯對她「零影響」。
謝婷婷、Rosemary 和Ana R.等前晚在中環為Puma 新店開幕行騷，示範運動裝，謝婷婷最後出場的一套金色sportswear ，前面密實，轉身原來是大露背，在腰位更貼上閃石logo ，非常性感。
謝婷婷性感大露背，更在腰間貼上閃石裝飾。
Ana R.與男模特兒示範運動服。
婷婷大露背
（右起）陳偉霆、謝安琪、黃耀明及Juno （左一）等，均有出席開幕禮。
婷婷完騷後說：「係呀，都幾性感。我都幾鍾意呢類運動衫，好舒服。」她謂年三十會和家人吃飯，新年想出外遊埠，她說：「未知想去邊，睇吓爹哋得唔得閒，唔預男友，呢啲日子都係同屋企人過。」她謂去年入行，今年更會首次派開工利是予工作人員，問到早前被拍到與安志杰吃飯，她說：「大家朋友，好耐冇見，佢岩岩拍完戲，所以一齊食吓飯。」同場出席的還有徐濠縈、謝安琪、黃耀明、陳偉霆及Juno 等。徐濠縈透露早前聖誕和囡囡去了東京玩樂，但沒老公陳奕迅份，她說：「二人世界七日，日對夜對，佢（指陳奕迅）太忙，忙頒獎禮。」
利是唔縮水
徐濠縈謂新年會出埠玩，問經濟差她的利是可會縮水？她說：「出埠會派少咗咋，但海嘯影響工作唔大。」原來她出席活動的酬金有加無減，她說：「一直加緊，每個event 都有提升，我都要掉低個女出席呀，咁當然係唔影響我同個女嘅時間為先啦，所以（金融海嘯）對我零影響，反而多咗收入，新年前仲有三個job 去。」採訪：羅慧敏攝影：仇志德
徐濠縈直言多服裝贊助，在置裝花費上慳回不少。from
http://appledaily.atnext. ... art_id=12114416
