09年第一個交易日（上周五）港股造好；國務院同意發第三代移動通訊（3G ）牌照，一眾電訊及電訊設備股炒起。嘉賓黃瑋傑指，電訊設備股受消息刺激，升幅不小，不宜高追，反而應在電訊商向電訊設備招標前入貨等升。另外，嘉賓何啟聰建議恆指升至16000點邊緣，可考慮買入中移動（941）的熊證。碩：嘉賓主持亨達集團研究部董事 黃敏碩傑：輝立證券交易董事 黃瑋傑聰：荷蘭銀行股票衍生及私人投資產品部董事 何啟聰碩：電訊股與電訊設備股受到3G 發牌消息刺激，呢兩個板塊應如何部署？傑：電訊設備股通常喺一出3G 發牌新消息嘅時候，一定會被炒作，但兩三日就會跌返落嚟，所以一有消息出嘅時候，我唔建議高追，反而應該喺消息靜咗落嚟之後，買定等電訊營運商發出興建電訊設備招標嘅消息，之後就可以獲利走貨，不過好大機會係中興通訊（763）等大型公司爭取到最多定單。聰：中移動方面，如果大市上升，恆指上試15800點的話，中移動可能上試85蚊水平；但如果想博中移動熊證的話，就最好等到恆指貼近16000點左右會較著數。
《今日嘉賓》時富資產管理聯席董事姚浩然
click 入http://finance.appledaily.com以webcam 參與節目及收看歡迎phone in 28698262暢談心得亦可email 至mailto:finance@appledaily.com 搶先貼股
from
http://appledaily.atnext. ... art_id=12049226
