D:15104/14688/14923
H:14610/15019/15092
昨日行支大陰燭,今日又行多支,即係點呢?即係呢兩日沽壓都係多.
既然咁樣,故此淡倉就唔理住啦.
好大家早前做左淡的睇見咁係咪好想獲利呢?
其實好簡單,如果先獲利可以令自己舒服d的話,咁就獲利囉.既然決定左,之後價位點行就唔好理啦.
如果打算再搏多斷,咁就安心咁望多眼.
對我而言,我希望係捉到較大的浪,而唔係一千幾百點果隻.如果之後可以穿14000同埋12月24日低位,我可能仲會加淡倉添.
萬一唔穿升返又點呀,咪平倉囉,賺少左d姐,但起碼唔會為左少少錢而錯失左一次浪.
好似上星期5向上突破之時,我都追好倉,但可惜冇再沖上,結果昨日平好倉,事實都係得個桔,但如果搏穿上16000呢?又唔同講法了.
散戶的唔好處就係肯輸不肯贏,江恩21條其中一條.輸錢時就唔止蝕,贏左少少就即止賺.那又如何羸大錢呢??
不過老實,又唔排除近日係上落市,咁如果大家睇range睇得咁準,咁唔該考下小弟幾時沽幾時渣啦.
我唔估太多了,依指標行事.一唔對路就閃人.順勢而行,寧渣當頭起,寧沽當頭跌.
今日唔出圖啦,大家自己研究下啦.
