今年各商場都花盡心思鬥出位，像中環國際金融中心以摩天輪為骨幹布置成繽紛嘉年華，旺角朗豪坊就變身歐洲宮廷式金色奇幻王國，而青衣城則設下飄雪的企鵝王國。一於去多幾個商場，感受下不同特色嘅氣氛啦！
青衣城 飄雪企鵝王國
青衣城嘅企鵝音樂聖誕冰島係最受小朋友歡迎的。以企鵝為主題布置成白色冰川夠吸引，小朋友更可進入雪屋大玩音樂，例如踏在地上的巨型琴鍵彈琴，或者親自為巨型音樂盒上鏈，仲有最吸引係可以玩下真雪，感受白雪飄飄的聖誕節。聖誕期間更有拉斯維加斯嘅著名雜技團BALAGAN 表演，包括巨型方軸、平衡頂技、踏飛單輪、滾軸表演等，一睇就知係sell 驚險刺激，記得唔好錯過。
日期 即日至2009年1月2日
雪屋收費 即場捐款給公益金，多少不限，便可進場。每節10分鐘。
雜技團表演日期及時間 12月26-27日6-6:30pm
查詢 21867284
ifc 浪漫摩天輪
咁多個商場中，以中環國際金融中心樓高四層嘅摩天輪最壯觀，加上近20,000個燈泡點綴，當摩天輪轉動時更顯迷人，感覺浪漫，係情侶影相嘅熱點。旁邊仲有一輛輛色彩繽紛嘅糖果小推車、旋轉木馬及摩天輪小吊籃等布置，感覺如走進嘉年華會中。商場又從外國請來著名藝團Muse 演出大型歌舞劇及高難度嘅表演，包括高空踩鋼絲、凌空搖燈柱等，睇住雜技表演過聖誕，夠晒特別！
日期 即日至2009年1月2日
奇藝特技表演時間 12月24-26日12:45pm 、4pm 及6:30pm
地點 中環國際金融中心商場1樓中庭
費用 全免
查詢 22953308
朗豪坊棋盤皇宮
走進旺角朗豪坊，立即被金光閃閃嘅皇宮吸引住，商場將4樓通天廣場變身為面積162平方米、高11米、闊9米的金色「奇幻王國」，皇宮內有個紅黑格子組成的巨型棋盤，包括13座高2米的巨大棋子，有造型精緻嘅國王、皇后、王子、公主、侍衛、馬匹等，而每晚6時後，每隔半小時宮廷內嘅每位成員，都會隨住音樂轉動，同時有肥皂泡噴出增添氣氛，好多小朋友都爭住去拍打飄浮在半空的泡泡，玩得好興奮。
日期 即日至2009年1月2日
地點 旺角朗豪坊4樓通天廣場
查詢 35202800
其他商場$1至筍活動：
新元朗中心
新元朗中心在除夕夜推出$1位（原價$1,388圍）盆菜宴，在商場共設了15圍。雖然係每位$1價，但盆菜用料絕非慳水，包括有瑤柱、蠔豉、燒肉、大蝦、花菇等，絕對係超值！
換購詳情 由12月27日起於商場消費滿$100，另加$1即可換取入場
。每張發票最多換領4張入場
，換完即止。
日期 12月31日
時間 1-2pm
查詢 24792208
上水廣場
上水廣場推出$1除夕禮品包，每個禮品包的價值都超過$500，內有Crabtree&Evelyn 及MISSHA 護膚化妝品、Pappagallo $100雪糕現金券，全部物品都好實用，很吸引。
$1禮品包換領日期及時間 12月30-31日1pm 起
地點 上水廣場2樓禮品換領站
換領方法 憑場內任何商舖的即日發票（不限消費金額），即可換領$1禮品包。
名額 每日100份
查詢 26399638
