我戒唔戒煙關你哋咩事！（設計對白）關嘉美醫生介紹埋藥廠俾鄭融戒煙，佢都懶理，俾記者問起，仲黑面寸爆。
向來形象唔多好嘅鄭融，05年做無煙大使時，因為衰煲煙以及同劉浩龍傳緋聞，俾唱片公司雪藏之後佢應承戒煙先可以解凍。點知佢見過鬼都唔怕黑，舊年俾人影到煲煙照，今年12月頭再俾報紙斷正一次，呢次佢仲硬住頭皮同記者講數半個鐘，平時對記者非常臭寸嘅佢當然係講唔掂數啦！
有二五爆料，話曾經做過政府無煙大使嘅鄭融，為保飯碗先公開扮戒煙，其實私底下佢不知食得幾狠。而早前佢俾報紙影到食煙相後，關嘉美醫生即搵人聯絡佢，話有間藥廠可以贊助佢戒煙，點知鄭融話：「哼！我不嬲都唔靠呢啲嘢，我鍾意靠自己，多謝晒好意喇！」不過上星期記者親身問過鄭融係咪已經成功戒煙，佢就好輕佻回應：「呢啲嘢我係唔會講嘅！」
唔講都啱嘅，鄭融衰完一次又一次，呢頭話戒煙成功，轉頭自打嘴巴就唔好啦！
鄭融（圈頭）識做，出席完活動，攰到死仍撐住陪唱片公司高層（右）飲茶。
今個月初，鄭融再被傳媒拍到扯煙嘅爛撻撻照片。《蘋果日報》圖片
