係每個熊市完結之前,成交都會出現萎縮,股價開始下跌,原因係...大戶任由散戶買賣決定升跌,成交量下跌,股價亦缺乏支持
另外,呢段時期雖然係最後階段,但亦頗為艱辛,經濟數據將會公佈,普遍散戶心理質素一般,未必能夠抵受咁差既數據,有機會會沽貨,到果個時候大戶就會出黎搵食,執曬d平價貨,股市係壞消息/數據/業績全部公佈後,先有機會上升,而數據/業績公佈期就係明年3~4月,所以好可能呢幾個月股市係沉左,但亦唔需要擔心,因為經濟正常地復甦,明年下半年會出現牛市1期,股市整體逐步上升
依家渣住現金既人應該唔好急住買貨,其實可以考慮係2~3月睇下d實力股買唔買得過,跟住就可以等返幾年作長線投資,即使經濟冇好轉,可能係復甦期比較長,等候收成要再耐D
渣住貨既其實沽唔沽都冇咩所謂,咁多隻藍籌股其實大家都見過佢地既低位,只要大家唔好驚就得, 等到牛市來臨,回報率仍然係相當高
雖然唔係咩大師既分析,不過我諗長線投資先係投資既正確態度
P.S.我手頭上只有半年後到期既沽輪,意思係我以目前環境黎分析過後睇淡恆指未來3個月至半年
如果您喜歡這篇文章，請按「讚」或分享給您的朋友，以示鼓勵。
