人氣嚫模邦民女Kama （羅凱珊），前日到九龍灣擔任網上電台嘉賓。提到她上周被拍得與光頭中坑密會，當時她曾表示對方有意追求她，但她前日卻轉軚表示唔吼光頭佬，又大讚與她曾傳緋聞、組合Square 成員何尚謙（James ），才是她的那杯茶。
近年嚫模湧現，20歲的邦民女Kama 異軍崛起，肯搏又肯行性感，難怪她自爆入行兩年已儲到20萬積蓄。早前她細屋搬大屋，由調景嶺公屋遷進月租過萬、有九龍嘉亨灣之稱的翔龍灣，以嚫界女星而言已相當叻女。
Kama 大讚組合Square 成員James 是她的理想對象。
上周Kama 與光頭中坑嘆茶密會。資料圖片
超市掃貨慳家
Kama 搵到錢，與其人氣高接job 多成正比，而夠慳家也是其本領。平日Kama 少穿名牌，前日更以一身街頭look 到九龍灣為莊思敏主持的網上電台擔任嘉賓。至訪問完畢後，Kama 笠上漁夫帽往寓所樓下商場內的超市掃貨，揀足一大輪才買下一棵西生菜、幾條蕉及橙、一瓶柚子蜜和一包狗尿片，埋單約120元。菜加蕉又當一餐，其慳爆程度可見一斑。Kama 掃貨前在九龍灣接受記者訪問，提到她上周被拍得與光頭中坑密會，當時她曾表示「我覺得佢係想追我」，前日不知她是失憶還是有意製造話題，突然反口將光頭中坑推給母親，她說：「佢係我阿媽嘅朋友，佢成30幾歲，大過我好多，唔合乎我要求。」那光頭中坑是否想追羅媽媽？Kama 說：「唔清楚，但肯定唔係追我。我父母一早離異。」
Kama 在超市內買生菜水果醫肚之餘，不忘為愛犬買尿片。
逛超市都要戴漁夫帽笠實半塊面，想不惹人注意的Kama 其實最多人望。
一定要有頭髮
光頭中坑被指是有米廠商，Kama 說：「我阿媽夠有（米）咯，你哋唔知之嘛，睇吓show 唔show off 㗎啫。」她稱父親也是光頭，自覺搵光頭漢做男友等同與老竇拍拖，所以唔吼光頭男士，她說：「唔一定要靚仔，但一定要有頭髮。」早前Kama 與組合Square 成員何尚謙（James ）傳緋聞，Kama 重提舊事卻大讚James 好過光頭中坑，她說：「呢個好好多。」問有否單獨約會？她則耍太極表示：「話有又得，冇又得。佢好符合我嘅擇偶條件，係好多少女心目中嘅理想對象。」採訪、攝影：娛樂突發組、駱華齡
Kama 日前承認被光頭中坑追求，前日卻突然推翻，前言不對後語，莫非她年紀輕輕已記憶退化？
