上月宣佈奉子成婚嘅22歲混血性感偶像Leah Dizon ，現正懷孕5個月。預產期喺出年春天嘅Leah ，早前喺婚訊記者會上公開過著上日式嫁衣白無垢嘅結婚照後，喺新一期日本雜誌《Pinky 》入面，佢首度公開著上西式婚紗嘅照片，明艷照人。除咗公開婚紗照外，Leah 又將上月10號瞞住事務所同形象設計師丈夫BUN 喺東京希爾頓酒店舉行嘅日式傳統婚禮相片同大家分享，雖然婚禮只得佢哋兩個，Leah 都話好感動。佢仲話生完BB 後，一定會喺日本補擺婚宴慶祝。
如果您喜歡這篇文章，請按「讚」或分享給您的朋友，以示鼓勵。
