大婆鄧拱璧：個女人
賤！
本周三（11月5日），對於二奶陳美嬋的指控，阮兆輝例牌否認，而鄧拱璧則聲大大表示：「係佢勾引我老公！」
45歲的粵劇界花旦仔陳美嬋，失婚婦人，育有二女一子，今年10月15日去信向八和會館求助，因為三年來遭阮兆輝和鄧拱璧「封殺」，令生計出現問題。10月20日，陳美嬋收到八和會館總幹事丁羽的書面回覆，表示此乃私人事，八和不會受理。
上周一（10月27日），投訴無門的陳美嬋向本刊大爆跟阮兆輝和鄧拱璧的三角關係，並哭訴自己亦有責任，惟望有人主持公道，制止封殺行動，等佢有工開有飯食。
本周三（11月5日），阮兆輝和鄧拱璧在銅鑼灣寓所接受本刊訪問，阮兆輝否認跟陳美嬋有染，只是道義上照顧對方。鄧拱璧則勞氣地撐老公：「有邊個男人唔去滾，就算件事係真，都係佢嗱嚟賤！」
陳美嬋：俾番啖飯我食！
10月28日，陳美嬋在黃埔海逸酒店的咖啡室內，細說與阮兆輝的一段情，說到分手後阮兆輝即聯同太太鄧拱璧封殺她，令她搵唔到食，陳美嬋數度落淚。
陳美嬋是八和訓練班第三期學員，畢業後一直在戲班做花旦仔及「私伙衣箱」（幫大老倌裝身的私人助手）工作，婚後育有兩女一子，丈夫馮志明與阮兆輝是從小相識的好友，陳美嬋婚後亦與阮兆輝開始熟絡。
屋企停電酒店過夜
04年，陳美嬋因經常被丈夫毒打，單方面申請離婚。05年初，阮兆輝與陳美嬋同台為鳴芝聲劇團工作，阮跟工作人員消夜，總會叫嬋同行，又主動送嬋返回天水圍的家。有一晚阮兆輝送陳美嬋返回天水圍寓所時對她說：「屋企大停電，老婆又打通宵牌，冇地方過夜唔知點算。」嬋提議他可租個地方過夜，阮說：「一個人咁悶。」嬋說：「最多我陪你傾通宵囉！」未講完阮已捉住嬋隻手，嬋表示當晚兩人到了尖沙嘴的時鐘酒店開房。「從來冇男人咁錫我，當晚本來諗住同輝哥只係一夜情，估唔到佢六十歲仲得囉！其實之後都覺得對鄧拱璧唔住，諗住同輝哥分手，但輝哥話唔好。」
嬋向本刊記者表示兩人交往期間，阮兆輝經常對她甜言蜜語，還表示跟鄧拱璧是有名冇實的夫妻，阮說自己跟太太十幾年都冇性生活，因為太太有女人病做過手術，就算他想要，都會被推開。04年，阮在家舉行聖誕派對交換禮物，鄧拱璧抽中避孕套時曾說：「我哋都唔做呢啲嘢好耐！」所以嬋相信阮的話。阮兆輝還表示跟鄧拱璧沒有註冊結婚，又會親暱叫嬋做「老婆」，令嬋相信兩人會有將來。
兩人相戀期間，阮兆輝對陳美嬋也十分照顧，阮會主動向其他班主講「幫我睇睇阿嬋！」嬋忘記嗱戲服，阮就算要上台演出，也專程車嬋由東涌到屯門嗱戲服，再車返東涌。嬋經濟上有困難，阮亦會出手相助，每次都會給嬋幾千元解困。
05年阮兆輝（中）與陳美嬋（右）打得火熱，經常叫班主給她多些演出機會，私底下亦對陳美嬋的女兒（左）非常愛錫。當年阿嬋到英國登台，阮兆輝更主動帶患病的陳美嬋女兒去睇醫生。
10月26日，阿姐與阮兆輝一起到高山劇場出席八和活動，身為副主席的阮兆輝與阿姐有講有笑，心情未受二奶事件影響。
當日陳美嬋亦在場，但阮兆輝非常避忌，活動完畢後阮駕車離開巧遇陳美嬋，亦當對方透明。
10月15日，陳美嬋因為冇工開，去信八和會館主席汪明荃，表明自己是八和會員，希望汪明荃能出面處理這不公平對待（左）。5日後，八和會館總幹事丁羽代阿姐回信，表示八和對她的私人事不受理。
親暱留言揭姦情
06年1月，陳美嬋被前夫騷擾，本想將前夫的恐嚇電話給鄧拱璧聽，怎料按錯了阮兆輝的留言，阮兆輝在留言中暱稱嬋做「豬仔」，鄧聽了後當時沒有異樣，只說：「今晚消夜再傾。」其後阮兆輝的「私伙衣箱」對嬋說：「佢哋（指阮及鄧）返到屋企打大交，以後佢（阮兆輝）都唔會理你同你老公啲嘢。」阮更打電話給嬋，「我依家暫時唔會打電話俾你，上台你都唔好同我打招呼，千祈唔好承認同我有過關係呀！」
之後鄧拱璧向班主下令，斷陳美嬋米路，阮兆輝亦有打電話給一些班主表示，「唔好煩啦！你哋都係唔好搵佢（嬋）啦！」不少班主只好跟嬋說：「唔好意思，佢哋下咗『封殺令』，我哋唔可以請你。」
今年9月15日，蘇梅芳旗下的鴻運劇團在東涌做神功戲，陳美嬋跟阮兆輝同台演出，鄧拱璧見到嬋在場，即向班主投訴，「趕佢走，唔係輝哥唔會上台。」幸好，班主蘇梅芳認為「私人事唔應該帶上舞台」，沒有理會鄧拱璧。但嬋在其他戲班的演出機會愈來愈少，才決定向八和投訴。
11月4日約中女食飯
本周二（11月4日），約了本刊記者做訪問的阮兆輝，突然來電表示要延期，因唔舒服要去做針灸。但當日下午12時許，他獨自乘的士去香港大學，會合一名年約40歲的女子。
兩人步行到西半山列堤頓道一間日本餐廳撐枱腳，阮兆輝不時托頭情深款款。
摸面珠
個多小時後兩人步出餐廳，臨走前阮兆輝更出手輕撫中女的臉頰，中女亦非常受落。
風流大老倌
64歲的阮兆輝，多年前跟粵劇界著名花旦尹飛燕結婚，育有一女一子，阮德璇及阮德鏘。89年，雛鳳鳴劇團演出時，跟曾江離婚後的著名電台播音員鄧拱璧，以白雪仙戲迷身份到後台探班時，遇上當時已跟尹飛燕結婚的阮兆輝，對對方一見鍾情。90年，阮兆輝跟鄧拱璧搭上後，正式向尹飛燕提出離婚。當時，尹飛燕母親剛巧病逝，還要帶住一對子女生活，外界一直視阮為負心漢。03年，阮與鄧在拉斯維加斯註冊結婚。
雖然鄧拱璧的女兒（左）是與前夫曾江所生，但她與後父阮兆輝感情亦很好，一家三口的合照放於家中當眼處。
求大婆放條生路
陳美嬋接受訪問時坦言，「我由06年開始受到封殺，本來諗住退出戲行，試過轉行做便利店店員同埋學做餅，但係生計真係有問題，又有三個細路哥要照顧，為咗避前夫都搬咗三次屋，積蓄都用晒，依家仲欠緊卡數。我字都唔識多個，根本好難搵到其他嘢做，只係希望佢哋解除『封殺令』，俾番啖飯我食。」
本周一（11月3日）晚，本刊聯絡班主蘇梅芳求證陳美嬋遭「封殺」一事，蘇說：「係鄧拱璧打電話叫我唔好用阿嬋。聽講係感情問題，但係私人事唔應該搞到做嘢，唔公道嘛！幾年前嘅事，都過去咗啦！佢唔可以淨係怪人，佢自己唔睇實個老公，都冇辦法，可能呢啲係報應啦！佢當日勾阿燕（阮的前妻尹飛燕）老公，依家咪俾人勾番囉！」
本周三，阮兆輝仍聲稱自己前一日因要做針灸而延期做訪問，本刊記者即場踢爆阮當日沒有去針灸，並指他約會一名中女及摸對方面珠。這時鄧拱璧即怒啤阮，阮則一臉尷尬說：「嗰個係細路女嚟！」
著名粵劇服裝師傅陳國源除了親證阮兆輝與陳美嬋的一段情外，更指阮逢賭都啱，又試過造完戲服唔俾錢。
90年阮兆輝因搭上鄧拱璧，拋棄尹飛燕（左）及一對仔女，其子為藝人阮德鏘（中）。
唔介意老公去滾
上周一（10月27日）下午，鄧拱璧在電話中坦承因為陳美嬋勾引阮兆輝，所以唔同佢合作。「陳美嬋想勾我老公，本來我對佢好好，估唔到佢咁反骨，竟然勾引我老公。我係輝哥嘅經理人，唔做某啲戲，唔同某啲人合作，唔代表下『封殺令』。」
本周三（11月5日）下午，阮兆輝和鄧拱璧在銅鑼灣寓所接受本刊訪問，阮兆輝卻又擘大眼否認跟陳美嬋曾經有過一段情。「佢（嬋）真係黐線，實在太過分，不過我個人從來唔反駁人嘅，總之我哋兩公婆之間，唔會有第三者出現，因為我哋唔單止係愛情，我哋實在太投契。」
鄧拱璧則否認是聽到阮兆輝給嬋的親暱錄音而悉穿兩人姦情，還表示絕對信任阮，「講真，我真係唔介意佢去滾！呢個世界上男人冇一個會唔滾，況且有名氣嘅大老倌，要滾實在太容易，就算輝哥滾都會搵個後生啲，我絕對信任佢！」全盤否認之前說法，似乎兩人度好台詞。
鄧拱璧還表示陳美嬋是自取其辱，「如果件事（阮跟嬋有染）係真，都係佢嗱嚟賤，佢真係好蠢。如果佢打電話同我求情，我一定會放過佢。」據陳美嬋所說，今年九月中她曾致電鄧拱璧，求對方放她一馬，但遭鄧一口拒絕，並說封殺她是阮兆輝的意思。
這本阮兆輝從藝五十年特刊，是03年鄧拱璧斥資為阮編製的。
班主買佢怕
7歲開始演藝工作的阮兆輝，在粵劇界享有「神童輝」之美譽。啟蒙老師為粵劇名宿新丁香耀，後拜名伶麥炳榮門下，又隨袁小田學習北派，從劉兆榮、黃滔、林鎏學唱，故舞台上技巧稱冠，亦被封為「小生王」。阮兆輝演技出色，所以有不少戲迷擁躉，由於他是票房保證，加上圈中青黃不接，班主都喜愛選用他，故他開出任何條件（包括有權揀對手及要預支酬金），班主都會接受。
娛樂頂點
