聆聽下屬報告業績嘅郭少芸，好有老闆娘嘅威嚴。正所謂有危先有機，金融海嘯下，唔少食肆執笠，但亦有人乘機發圍。好似郭少芸咁，喺朗豪坊間餐廳做到有聲有色，最近仲喺將軍澳開分店。
早幾日，媽咪姐特登去幫襯。當時下午四點幾，餐廳冇乜人，但老闆娘郭少芸就坐埋一邊對住部電腦埋數。做完paperwork ，轉個頭，呢位老闆娘又紆尊降貴揸住條毛巾走去抹餅櫃。其間有個阿太嚟幫襯買件餅，一見企喺餅櫃前嗰位係郭少芸，有嘅難以置信咁話：「乜你喺度賣餅咩？」玩得嘅郭少芸當然唔會錯過呢個玩嘢機會，所以佢俾呢位阿太顧客答案都係充滿娛樂性：「係呀，我拍完戲就過嚟賣餅，搵食艱難呀！」
轉個頭佢又不辭勞苦
低嗱餅俾客人。
