成功解約 獲Rachel 祝福梁洛施開心「爭番想要嘅嘢」
梁洛施（Isabella ）在小小超李澤楷力撐下，日前已解決合約官司，對於和平解決事件，她認為「爭番我應該想要嘅嘢」，非常開心。另一邊廂，小小超前女友羅愛欣，則大方祝福舊愛與Isabella 。
電影《女人大作戰》（The Women ）前晚在金鐘太古廣場AMC 戲院舉行首映禮，有吳文忻、甘國亮、王喜、Kawaii 、羅霖與兒子及盧覓雪等人出席。梁洛施與前經理人公司的合約官司已庭外和解，日前李澤楷出席何佐芝壽宴時，為撐Isabella 而指有人擘大眼講大話，Isabelle 的發言人盧覓雪對此說：「李生唔係我負責，不便評論。」
Rachel 昨日大方祝福舊愛小小超和梁洛施。
盧覓雪表示Isabella 未有工作計劃。
學英文兼騎馬
李澤楷大前晚被問及是否與梁洛施拍拖，只以甜笑回應。資料圖片
至於小小超擺明力撐Isabella ，盧覓雪歡迎任何人幫Isabella ，她續說：「梁洛施而家喺美國學緊嘢，暫時未有計劃。佢學緊英文、騎馬，呢啲要時間去學。」Isabella 獲得的賠償金將捐給慈善機構，盧覓雪表示未決定捐給那間機構。盧覓雪又提及身在美國的Isabella 的近況，她說：「佢嘅心情好開心，和平解決，以和為貴，爭番佢應該想要嘅嘢，所以佢好滿意。而家未傾經理人公司，復出大計要畀啲時間。」有記者問到小小超和梁洛施是否熱戀中，盧覓雪謂她未有了解，感情事最好問當事人。另方面，小小超前女友羅愛欣（Rachel ）昨日與謝安琪和姚書軼等人，到半島酒店出席Kiehl\'s 環保活動。小小超日前開腔力撐Isabella ，Rachel 表示每天都有看新聞，問她有否與小小超聯絡，她說：「OK 啦，我今日係講環保。」不過Rachel 仍大方祝福舊愛與Isabella ：「如果係就祝福佢，不過我都唔知係咪，係就留畀佢哋自己搞掂。」最後問她是否有新戀情時，Rachel 笑而不答。
Rachel 海嘯中招
此外，Rachel 承認金融海嘯對樓價以及股票都受影響，她說：「我相信每個人都會受影響，我又唔係買好多，但係我做債券嘅，都會有少少影響。」採訪：李珮洳、王崇穎攝影：仇志德、葉君海
身在美國的梁洛施，對重獲自由感到高興。
