金融海嘯席捲全球，由年中
指2萬5千點，暴瀉至1萬2千點水平，而在本周一（27日），更一度失守萬一點關口。當中有人損手，亦有人一心在這個熊市第3期趁低入市，乘機賺番筆。不過無論點，都成為大家茶餘飯後熱烈討論的話題。
圈中不少藝人都有投資，策略各異，不過現階段似乎睇淡市的佔大多數。坦言有「高人」指點的毛舜筠，就表示已經部署以心目中「抵」價買5號仔
豐。信唔信佢？自己諗啦！
毛毛投資錦囊持貨：A50中國基金（2823）（她早前$9買入，截至10月28日收市價$7.88）。
賺錢股：$110買入
豐（0005），$140已賣出；$12買入A50，$27已賣出。
將會吸納：她表示
豐跌破$90水平便會入貨。
未來方向：淡友一族，覺得大市仍然會跌，所以毋須過分急進，小注逐步入貨。
毛舜筠表示自己一直有位做銀行投資的「高人」指點，所以今次金融海嘯並未損手，在早前大跌市前已趁高價放貨，叫做賺到錢，至今相隔半年沒再沾手股票。
近日她覺得價位適合，便開始入市。「雖然依家仲未見底嘅，但我覺得都係時候可以入市啦，有幾隻股票我成日睇住個價位㗎，好似
豐、A50兩隻股票，呢兩年成日睇住，
豐至少都要跌破90蚊至諗。我覺得其實有危先至有機，只要你唔係用等使嘅錢嚟買股票就得，一定唔好賣樓去買股票囉。」
陳鴻烈揸銀紙等入貨陳鴻烈七十年代已炒股票，直言咩風浪都遇過，「我試過一個星期賺100萬，一個星期唔見100萬。嗰時香港置地收購牛奶公司，90幾蚊升到110蚊，依家我等緊
豐跌破100蚊，我可以肯定同你講，到
豐跌到$90，中行（3988）跌到$2.4，我先至會入貨。（截至10月28日滙豐及中行收市價分別是$90及$2.09）
「我認為香港股市有排跌，冇五年唔會起，依家揸銀紙最好。當所有嘢都跌到嘩啦啦時，我唔止會買股票，仲會買古董，藝術商品比股票仲好賺，劉鑾雄1998年買一隻樽600萬，2002年賣出去2,400萬。邊有嘢係咁多利潤呀，仲唔使抽稅
。
「樓市我唔睇好，依家有邊個生仔女㗎，養唔起又唔得閒生，唔生人口咪少囉，大陸人又唔使嚟香港住啦，樓市又點會升呢！」
陳鴻烈投資錦囊持貨：零
蝕讓離場：零
睇好股份：
豐（0005）、中行（3988）
未來方向：認為大市仍會跌，五年內難有起色。
何B 跌眼鏡貼中信何守信已經移民加國多年，早前才回流返香港拍劇，但他一直有透過銀行互聯網買賣香港股票，十幾年來有賺冇蝕。今次金融海嘯，他表示有少許損失，僥倖未至於成為「蟹民」。
「我之前買過中信泰富、中人壽，不過都係蝕少少就離場，好似中人壽咁，我$32買入，$29放咗。人哋話千祈唔好同股票談戀愛，但我做唔到百分百咁，好似
豐，我十年前買，$50幾買過，$70幾亦買入過，如果我係叻仔嘅，早排最高去到$140賣咗賺錢啦，但係我鍾意當儲錢，貪佢每年派四次息囉！仲有和黃（0013）呀，我蝕緊錢，但又唔捨得放，我認為佢係超值嘅，我買時接近$70，我唔怕，如果怕就唔會仲持有啦！但我深信未買未賣都唔算蝕，仲有機會！」（和黃10月28日收市價$38.8）
訪問當日，何B 亦表示睇好建行、招商銀行和中信泰富（0267），當時中信泰富仍未爆出炒
外
消息。上周五記者再問何B ，他亦抹一額汗，「呢隻股其實都幾好息㗎，好彩未買咋，否則真係要做大閘蟹啦！」
何守信投資錦囊持貨：
豐（0005）、和黃（0013）
蝕讓離場：中人壽（2628）
睇好股份：建行（0939），截至10月28日收市價$3.23；招行（3968），截至10月28日收市價$10.5。
未來方向：何B 睇淡，認為仍然會跌，暫時應靜觀其變。
黃宗澤買藍籌儲蓄27歲的黃宗澤表示視買股票是儲蓄，一日未跌破市值，都不會當自己蝕錢，自言是個長線投資者。「我買股票預咗長線㗎，我買嘅港交所（0388）同中移動（0941）都跌咗，咪掟埋一邊唔理，冇眼屎乾淨盲囉，當自己呢筆錢放咗去銀行儲錢，反正我唔係等呢啲錢用嘅，第二時升番至賣囉。我淨係買實力藍籌股，因為我哋呢行冇時間成日睇住個市，不過我一有錢就買外幣，同將嘅錢放入我同阿媽嘅戶口。我哋有幾個戶口㗎，我自己得一兩個戶口要嚟使用，同阿媽嗰嘅戶口因為唔方便嗱，咪冇咁易使錢。股市未來我唔睇好，但我會買樓，再跌少少
啦。我睇中位於大圍嘅樓盤『嘉御山』獨立屋呀！」
黃宗澤投資錦囊持貨：港交所（$100買入）、中移動（$90買入）。
外幣：澳元（$6.8時買入）、歐羅（$12時買入）外幣與股票都蝕價，不未來方向：過黃宗澤表示外幣高息，亦計過收息與差價差不多，所以問題唔大。
睇淡市。他說：「個大浪仲未正式
到香港，仲可以睇定啲先。」
另類損手這次金融風暴中，除了不少股民變「蟹民」外，即使投資另類金融產品的藝人，唔少亦損手收場。
曾志偉一家被雷曼重創曾志偉、女兒曾寶儀及寶媽媽，透過曾寶儀姑姐投資美股，結果全栽在雷曼兄弟手上，估計損失千萬元台幣，母女倆多年積蓄頓時化為流水。
「沒想過百年難得一見的金融風暴，竟在我這個對金融一竅不通的人身上造成影響。」曾寶儀在blog 上說。
志偉也說：「我同個女同病相憐呀！我投資嘅美股血本無歸啦，不過投資失敗嘅經驗我其實有好多，已經習慣咗喺邊度跌低就喺邊度爬起身。」
劉若英退休延期劉若英的投資理財一直交給其理財專員去辦理，但早前突然接到姐姐電話說雷曼兄弟倒閉。「我現在最希望自己今次只是夢遊，雷曼慘賠並非真實，但可惜這是真的。因為雷曼兄弟，我退休之日也被迫要延期啦！」
陳法蓉買澳元勁蝕陳法蓉因貪買高息外幣，年前已經開始買澳元，今次金融海嘯，令她一舖不見百多萬，不過她決定慢慢等升。「好彩我哋全家都冇乜買股票，反而我買澳幣蝕咗囉！不過一日唔賣，都仲可以等升嘅。」陳法蓉有個油王男友撐住，蝕那一兩百萬，自然氣定神閒啦！
舒淇蝕一半身家率先發起減三成片酬救市的舒淇，被指此舉也是為救自己，因為今次世界金融海嘯，舒淇輸掉一半身家，估計也有上千萬，因而令她情緒十分低落。「我冇咗一半身家，好心痛呀，可以點啫，咪慳嘅使囉！我冇買股票呀，但買基金一樣死囉！」
大姐明蝕成千萬林建明年前因在亞視工作期間受傷後無法工作，自覺有需要將資產增值，聽取銀行意見購買利息較高的雷曼債
，結果蝕成千萬。「唉！最初都冇留意到債
係屬於邊間公司嘅，後尾至知道係雷曼！」有指沙姐為此幾乎抑鬱症發作，她坦言：「我衰在太信銀行啦！」
今年7月，羅浩楷自問股票知識豐富，首次開班授徒，至今反應不俗。
羅浩楷教路 2233法投資方案今年6月，本刊訪問過第一次開班講股的羅浩楷，當時
指仍處於23,000點水平，他已揚言年底股市有大調整，會狂瀉至18,000點。至今事隔4個月，香港受世界金融海嘯淹沒，至截稿當日（28日），大市已跌至12,596點，比他所預期的還多跌5千多點，看來他並非「斷估」咁簡單。
本周一記者再問過羅浩楷，現時他繼續開班講股，更斷言大市仲有排跌。「我全部係睇圖表而作出有根有據嘅推算，我知道有人話只係睇圖表而忽略公司業績唔夠全面，但如果唔係打算長期持有一間公司嘅股票，只係有買有賣，我覺得唔需要太側重睇公司業績。」
10,000點開始入貨羅浩楷對現時手中冇貨（股票）或有貨在手的人，有不同建議。「依家冇貨在手嘅，可以喺10,000點左右開始小量吸入，用『2233法』投資。咩叫做『2233法』呢，即係當你有一百萬在手，分散投資，10,000點時將手上資金兩成入貨，再跌至9千點時又用另外兩成資金買貨，餘下嘅六成資金，分兩次大市再跌到8331點（沙士低位）同7351點（98年6月16日低位）時入貨，之後就蹺埋雙手等發達啦，當然等嘅時間會好長，或者要等三、四年。」
他強調：「不過千祈咪買三、四線股，一定要買龍頭指標股，如中人壽、
生、中移動等；至於
豐，喺歐洲幾大鑊，如果個市再跌，
豐會幾傷元氣，呢隻我就會保守嘅。」
至於手頭有貨的股民，他只是建議：「如果手中有大量貨慘嘅啦，要持盈保泰，即係唔好亂郁，就一定唔好依家溝貨
，睇定啲先，大市仲有排跌。」
黃子華蝕入肉拋貨黃子華直認炒股票蝕了不少錢，但說並非「蟹民」，「因為我一蝕就拋貨，賣晒㗎
，但梗係有蝕啦！買咗邊隻唔想講，因為係朋友做主席嘅上市公司股票，逢親香港有金融風暴我都有份參與嘅，參與嘅級數仲愈來愈高
，但我想講一句：『輸陣唔可以輸人！』所以你問我係淡友定好友，我一定答你做好友，到我死嗰日都係好友。
「我覺得大家唔好聽專家講，自己做決定，亦唔好聽我講，有乜理由問個輸咗錢嘅人啫。」他又安慰一眾損手股民，「我奉勸大家嘅就係，你哋睇下我咁，輸咗錢但係仲健健康康、快快樂樂咁咪得囉，喺我嚟講輸咗嘅即係撇咗帳，我覺得冇事發生過，對於蝕咗錢嘅人現階段咪展望明天囉！」岩聽！
黃子華投資錦囊持貨：有少量藍籌股，策略是掟落保險箱等升值。
蝕讓離場：唔講得邊隻股票。
未來方向：基本上睇好個市。
田蕊妮好彩早放港交所田蕊妮將買股票當作退休保障，目前手上仍有少量聯通股份（0762），蝕少少但不入肉，全靠無線去年尾找她拍劇，陰差陽錯下讓她避過金融風暴。
「嗰時因為拍劇就冇時間睇住個市啦，咪賣晒佢囉！我之前買嘅中人壽、港交所都賣晒，咪投資喺層樓度囉，雖然樓價都跌咗，但都要住㗎，我覺得依家仲未係入市時機，起碼等到明年中，其實跌市都係一個學習過程嚟嘅！」
阿田投資錦囊持貨：上海電氣（2727）$6買入，$8賣出部分，仍有少量貨在手，截至10月28日收市價$1.64；聯通（0762）$14買入，截至10月28日收市價$9.64。
賺錢股：中人壽$5買入，$10賣出。港交所$80買入，$110賣出。
未來方向：阿田認為低處未算低，睇定啲永遠最穩陣，暫時不宜入市，最少要耐心等候到09年中，千祈咪心急追番輸咗嘅錢，最緊要個櫃桶仲有錢啫！
睇好股份：中行（3988）、工行（1398）、
豐（0005）、中移動（0941）。她說：「尤其
豐，始終要買嘅，隱陣嘅龍頭股，$100可以入貨，我會岩價時買定啲俾第日嘅仔女囉。」
朱慧敏Cash is king朱慧敏覺得現時仍未是入市時期，「等多半年啦，我之前未買過股票，只買基金。全部人都蝕，我都冇得倖免，其實之前都賺過少少錢㗎，但呢啲係多餘錢，咪等佢擺十年囉！
「舊年八、九月時個個人炒股票都賺，但我好穩陣，好忍得往，我覺得已經錯過咗，絕對不宜高追，依家我會等半年至入市買股票。都留意個樓市㗎，但覺得樓市仲要等得耐嘅，依家最好儲多嘅彈藥，Cash is king 呀！」
朱慧敏投資錦囊持貨：零
睇好股份：中人壽、渣打銀行（2888）
未來方向：對於股市，朱慧敏是大淡友，認為至少跌多半年。
《蘋果日報》圖片
專家建議買內地保險、銀行股對於後市情況，時富資產管理有限公司聯席董事姚浩然表示：「其實大市仲有好大波幅，主要要睇對
基金贖回情況係點。不過依家股值算幾合理，如果有現金喺手，亦不妨分階段入市。恆指1萬點至萬1點，可將5分之一現金買貨，8千點再買5分之一，不過要買龍頭股，尤其內地保險股同銀行股。另外5分之三，見個市升返至入市，寧買當頭起啦，揸多嘅現金點都安全嘅。」
他亦建議可考慮一些地產、資源股和船務股，雖然風險較高，但當升市時，升幅亦會較大，對於一些之前持貨損手的股民，可以彌補部分損失。
