又到一年一度的蘭桂坊嘉年華2008，當然要早點去霸位，不過去得太早，總要打發時間，可惜蘭桂坊的三聯已經不存在，惟有轉移其他上樓書店睇書。如想找市面少見又便宜的書籍及唱片，可到Collectables 這個尋寶地。店中的書籍及唱片繁多，書本以英文書為主，不過最新的內地中文版《Lonely Planet 》都有，既有新書亦有二手書，由電影小說、音樂、宗教、文學、設計及字典等一應俱全，都是由半價起，甚至三分之一價錢都有！不過最筍的還是唱片，不少電影原聲CD ，或是英文舊歌都是$20一隻起。另外黑膠唱片儲量也相當豐富，市面上少見的亦可找到，有勁平$10隻，當然比較少有的唱片，價錢會貴一點，但比起街價都平成三分之一
！黑膠唱片買滿$200仲有8折，唔買就真係執輸啦！
撰文、攝影：羅安琪
查詢電話：25599562
Collectables 書本及唱片數量繁多，要找心頭好當然要花點時間。
《魔戒》及《星球大戰》的電影原聲CD ，都係$20一隻而已！
內地版的《Lonely Planet 》，全新只是$20起，勁抵！
太極專輯《想》的黑膠唱片，$10隻！抵到冇人有。
