靚模化行妝出騷，假大眼厚粉要幾靚有幾靚，講到素顏真身有幾索，街外人一味靠估囉！
憑邦民財務、迪士尼廣告彈出的靚模Kama 羅凱珊，最近自爆單拖去峇里充電，仲俾當地滑浪教練狂溝咁話。滑浪相見街，原來激相在後，上週網上流傳一輯名為「峇里靚模私房照」的激照，相中人正是Kama 。當中有唔少三點式泳衣，出浴及睡前照，零化妝冇假大眼，完全無添加見真章，呢輯相肯定電死唔少龍友和電車男。
不過自拍定互影，Kama 震騰騰對記者說：「冇其他人在場，係我自拍，但冇理由會流出喎！好驚！」呢次要靠伽利略查查喇！
睡前
呢張外洩床照，從照片質素睇似手機影，隱約見到Kama 有少少眼袋同暗瘡，不過勝在夠青春，如果再影落少少就好喇！
19歲Kama 平時有玩開xanga 和facebook ，今次就大整蠱，忽然有批峇里私玩照洩出，相中清楚見到背景為一間resort ，素顏Kama 床上睡樣浴後樣乜都有，更有張掩面照，甚有玩feel 。
浴後
沖完涼包住個頭又影張，雖然冇野睇，不過眼神就夠晒誘惑，電車男一定頂唔順！
點解要揞住塊面影呢？Kama 解釋因為個鼻有粒好大既暗瘡，好醜樣喎！哦，以為玩乜要咁激添！揸機嗰個咁曳架！
鏡前
峇里好食好住，Kama 肥咗6、7磅，腰間明顯多咗唔少肥肉，連影自拍都要縮肚。
野外蜜蜂
黑到成舊炭嗰個就係Kama 既滑水教練，不過Kama 就話佢滑水技術其實好屎，仲成日攬到實一實合照！
Kama 話係峇里一星期除咗可以遊山玩水之外，最開心就係唔使化妝！
平時係邦民同迪士尼廣告見到既Kama 化晒妝，好彩素顏Kama 都見得吓人！
邦民妹彈起
再爆迪士尼
朱古力Kama ：「冇拍裸照！」
對於私玩照外洩，Kama 最初非常驚訝仲即刻問：「係咩相黎架？（你係峇里啲床照囉！）床照？普通自拍咋喎！有着衫架！」Kama 表示一向都有係facebook 貼自拍相，泳衣亦唔係第一次，不過就一定唔會自拍裸照，理由係覺得自己冇身材喎，咁謙呀？
呢個係左腳既紋身係峇里紋，唔係真既，Kama 話仲有一個係pat pat 喎！不過大家唔會見到，仲話着超迷你裙都唔會見到！引死人咩？
曬黑晒
玩紋腳
Kama 騷價：8千
上週四（25日）Kama 出席Clinique 活動，同場有周倩圯、原子鏸、王秀琳，Kama 同3位明顯唔熟冇乜偈傾！
婷婷騷價：2萬
謝婷婷係今次Clinique 活動既嘉賓，聽講都有成二萬蚊酬勞咗！Kama 做出席嘉賓就冇咁多喇，得8千蚊酬勞。唔緊要啦，實賺得番喎！
