All Over Bronzing Gel SPF 15$240
今日由白老鼠一眾新星推介化妝品，被5潮男星不約而同分別力撐的No.1是Bobbi Brown 。推介品共6件，佢唔係男牌，也從未標榜過男性專用、什麼homme（法文男裝），但品牌自91年推出以來均以鼓吹natural ，故earth tone 泥土色為主打，岩晒最怕變白臉、刻意的男生。
Bobbi Brown 受男星歡迎3大誘因？
膚色多人3倍
Bobbi Brown 品牌特色在顏色比人多，單以粉底液及2way cake 為例，平均都有12色，比起日牌如Maquillage 、法牌Dior 等只有4色，梗受膚色較深男士歡迎。
假tan 亂真
因為強調多膚色，自然連tan色的面霜也不缺，男生只要塗上一層，既可代替面霜又可有晒tan 效果，出汗亦唔會化開，自然得潮男歡心，傳聞黎明都是fans 。
男女客1比10
比起其他化妝品牌，Bobbi Brown 已穩定地佔有男客市場，公關Maggie 透露，現時香港男女客比例是1比10，外國比例更高，可見品牌擊中市場空間，定位正確。
16多色底Bobbi Brown Natural Finish Long Lasting Foundation $380共3票
冧星農夫陸Wing 自白：「我皮膚乾，不過呢支塗完好貼唔覺乾。」
星級化妝師曼儀教男用：「男生十個有8個膚色不均，因為平日護理少，此牌共16色薄，上sponge 沾少許由鼻向外向下已可印勻全面。」
遮黑眼Bobbi Brown Creamy Concealer Anti-Cernes Cream #Honey $290共4票
冧星羅仲謙自白：「遮咗黑眼圈即刻成個精神，下層嘅粉仲可用來封住遮瑕膏冇咁易甩。」
星級化妝師Annie G.Chan 教男用：「揀橙色幾黑的眼圈都遮到，想遮得薄可以用手指印上，記住不是印開，而是一下一下印實在皮膚上，才可持久。」
控油兼防曬Bobbi Brown Oil Control Lotion SPF15$350共4票
冧星王友良自白：「鼻邊多油是我皮膚最大問題，但塗這支改善了。」
星級化妝師Jonathan Li 教男用：「男仔面油多，塗液狀粉底前要先塗控油打底才可令粉底保持啞色及持久，這支質地輕身冇色，亦有防曬，代替day cream 亦可。」
陰影起輪廓Bobbi Brown Bronzing Powder #2$275共3票
冧星關楚耀自白：「出席大型function 時用，呢盒因為tan 色好岩男仔，而且tan 都有好多種揀，好方便。」
星級化妝師Johnathan Yung 教男用：「在鼻樑兩側、顴骨下、腮邊輕輕掃層陰影，輪廓立即出好多，記緊只掃一層才自然。」
修眉套餐Bobbi Brown Brow Powder $170、Brow Brush $180共3票
冧星王友良自白：「我偏愛粗濃眉，大型party 會更加畫深色啲堂眉，這盒幾好用。」
星級化妝師Jonathan Li 教男用：「修雜毛同補吓色或者拉長拉高眉尾，更有神、輪廓亦更出，這盒持久唔甩，用眉掃好易畫。」
啞色減油Bobbi Brown Face Powder #Sunny Beige $260共4票
冧星羅仲謙自白：「拍戲十幾個鐘補幾次仍然好薄，高清拍攝都放心啲。」
星級化妝師Annie G.Chan 教男用：「好似謙仔皮膚算好靚，有時未必需要全面塗粉底液，但也必須全面掃碎粉，一來可以封住遮瑕膏；二來減油光，這盒勝在好薄亦岩男仔。」
其他入圍
眾星一面倒推崇的Bobbi Brown ，明顯是口碑互傳的促銷結果，其他品牌如YSL 、RMK 等跑出者項目多是遮瑕及保濕品，名媛最愛Chantecaille 亦意外入選，皆因男星亦貪佢日日用有滑膚神效。
提神定妝噴面水RMK Herb Mist #Italian Lemon $140共2票
冧星羅仲謙自白：「化妝師介紹畀我，好醒神，清香新鮮檸檬味，補妝前亦會先噴。」
星級化妝師Annie G.Chan 教男用：「唔只味道醒神，更可為上妝後乾皮膚補水，我化妝的男artist 個個都有一支。」
遮鬚根必用YSL Radiant Touch #3$280共1票
冧星羅仲謙自白：「這支夠薄、爽身，但色亦夠橙，補妝尤其好用，可以直接掃上面。」
星級化妝師Annie G.Chan 教男用：「男仔鬚根位會敏感又會出油，一般化妝品易溶，其他遮瑕膏杰身亦引起敏感，這支別無他選，EO2演唱會我都用佢。」
神奇滑膚Chantecaille Future Skin Oil Free Gel Foundation $620共1票
冧星周柏豪自白：「我塊面有暗瘡印，粉底要好保濕，上咗妝後啲印唔見晒。」
星級化妝師Kris 教男用：「勁保濕又可遮瑕，滑面效果好好，秘訣係皮膚夠保濕時塗一層便夠，皮膚很乾時，先薄塗一層，再上第二層，遮印又不會厚。」
同場加映 懶男孖寶
去污冇白面Aveda Deep Cleansing Herbal Clay Masque $280
清潔泥mask 一般用完面色會白埋，男仔最怕，但化妝皮膚勁污糟，一週最少一次深層清潔。星級這支去黑頭、死皮卻不會白面。
落妝平靚快Biore 落妝紙$18/10張
Annie G.Chan 話濃妝2張已經落晒，潔力勁，男生貪快抹完可免卻洗面膏。
