36D 大喬
今次趙碩之為《赤璧Online 》拍攝三個造型的宣傳相，呢個造型係佢最鍾意嘅一款，問佢點解最鍾意，佢話覺得自己「型」喎！
憑住巨咪殺出嘅趙碩之，最近以6位數字成為網上遊戲《赤壁》嘅代言人，宣傳照嘅性感造型，更成為近期熱門話題。估唔到趙碩之嘅36D 巨咪除咗冧掂fans ，仲嚇窒《赤璧》嘅台灣區代言人名模隋棠。
據知，只有33B 小咪嘅隋棠，因為驚鋒頭被搶，拒絕與趙碩之喺台灣同場影宣傳照，避開同勁敵正面交鋒。但係避得一時避唔到一世，下星期二（9月23日）兩女將會一齊出席台灣記者會，到時隋棠唔知出乜招迎戰呢？
33B 小喬隋棠
隋棠呢個「小喬」造型，其實都相當性感，不過同趙碩之比，始終都係差啲，難怪隋棠會怕咗佢啦！《台灣蘋果日報》
趙碩之早前曝光的造型照，雖然冇咩特色，但勝在有個大W 的乳溝夠震撼，隨便擺個甫士已經好煞食。
趙碩之的巨咪近期在香港可謂所向披靡，就連向來鍾意搵性感偶像做代言人嘅網上遊戲亦向她招手，仲有傳她揮低另一「咪神」Suki 徐淑敏，成為網上遊戲《赤壁》香港區代言人。
上周二（9月9日），趙碩之為該網上遊戲拍攝宣傳照，首次以古裝造型示人的她，雖然所扮的「大喬」是打女一名，但巨咪依然奪衫而出，極盡性感，完全貫徹她走的性感路線。
據知，這輯宣傳照本來安排趙碩之飛去台灣總公司，跟台灣區代言人隋棠一齊拍攝，但有人從中作梗，令相片最終分開拍攝。知情人士說：「隋棠知道趙碩之年紀細過佢，但個胸就大過佢，即刻話分開影。」
9月13日日頭搏殺
上周六，趙碩之在藍灣廣場出席中秋活動時，唔怕走光
晒身玩遊戲，難怪她深受各大廣告商歡迎。
大會安排趙碩之以小背心襯透視裙的騎呢兔女郎造型出現，但她照單全收，認真識撈，在台上更突然有怪風吹起裙底，嚇到趙碩之大叫。
趙碩之出席中秋活動後，到青衣城的「YMK 」買了PIERO GUIDI 價值$4,660的旅行袋，為台灣之行作準備。
夜晚陪老闆賞月
迎月當晚，趙碩之同經理人公司同事，包括戴夢夢及Yumi 等，到了老闆林建明的家BBQ 慶中秋。
避免正面交鋒
現年26歲嘅隋棠，被喻為台灣新一代氣質名模，同林志玲同屬經理人公司「凱渥」，被指是最接近黃金比例的模特兒，以及林志玲接班人。可惜，隋棠始終大趙碩之6年，鬥身材趙碩之的上圍亦大隋棠兩cup ，扮「小喬」嘅隋棠唔想同扮「大喬」嘅趙碩之正面交鋒，絕對可以理解。
上周六(9月13日)下午，趙碩之在柴灣藍灣廣場出席中秋活動時，被問到嚇窒台灣名模隋棠一事，她表示全不知情，「本來係安排咗一齊喺台灣影，但後來好似佢（隋棠）撞咗期，所以我留番喺香港影，我唔知有其他原因喎！」
至於下星期二（9月23日）跟隋棠一齊出席台灣記者會，趙碩之會否準備秘密武器硬撼對方，她就好謙咁話，「唔好話撼唔撼，大家都係代言人，都想件事成功。不過我係留咗個秘密造型到時先著，因為第一次去台灣宣傳，想有啲新鮮感嘛！」之前兩個造型都已經咁激凸出位，到時過個秘密造型睇怕都唔講得少，睇嚟隋棠真係避無可避。
