另類解讀金融名詞
今年股市都幾悶，唯有苦中作樂。何謂「基礎分析」？其實係分析員用盡方法去解釋個市點解唔會跌，但個市仍然係咁跌。
機構投資者：就係响跌市中仍大手拋售嘅人，我地叫佢地做機構投資者。
衍生產品：就係你唔識，但係就可以令你輸錢嘅工具。
Market report：係大經紀行向客戶解釋點解你會輸錢嘅報告。
財務管理：輸咗錢後，三個月先至話你知。
P/E：係用舊年純利幾吸引去呃你入局，然後明年純利大跌，P/E大升。
止蝕沽盤：通常都唔記得做嘅事。
技術分析員：講就頭頭是道、做就損失慘重嘅人。
股神：只响牛市出現、熊市消失嘅人。
上升軌：通常响「過去」走勢中先至搵到嘅趨勢。
對沖：自己都唔知應該睇好、睇淡嗰陣；同時沽出嗰隻已升股，買入隻日後大跌股嘅行為。
專家：累你輸錢後，仍有好多理由解釋嘅人。
相反理論：即係我唔同意你嘅睇法，又唔知點駁你嗰陣嘅借口。
=============================================
形容得幾好!!
