一年一次，試完晒啲新口味，先再keep fit 啦！
很多人都對傳統月餅膩了，反而冰皮及朱古力月餅不斷推陳出新，更能吸引為食男女為應節而試一口。好像身材fit 到漏的陸詩韻，每年中秋都會為新口味月餅破戒，今年就為《忽周》揀出五款心水新月餅。
冰皮五味
由N 年前開始，冰皮月餅已穩佔一定市場，每年的冰皮月餅都挖盡心思推出新口味，加上本身咬落如糯米
般的口感，深得年輕一輩愛戴。在芸芸冰皮之中，詩韻推介以下五款新口味，為食男女必試！
評分：以5★為該項目的滿分
豆腐花
芝
豆腐花
賣相：淺灰色的外形，壓紋得品牌字樣，外表一般。
解構：清楚可見一粒粒的黑芝麻，中央的白色部分為豆腐花。
售價：$26（一包兩個）/ 美心
詩韻食評：「好重豆腐味，而我自己好鍾意黑芝麻味，入口好香滑，唔太膩，整體味道不俗。」
滋味度：★★★★★
飽滯度：★★★
創新度：★★★★1/2
鵝肝
芝味鵝肝
賣相：奶白色外表，只得品牌字樣欠新意。
售價：$35（一包兩個）/ 大班
解構：切開餅後，單憑肉眼很難才見到鵝肝，質地亦較軟身。
詩韻食評：「口感軟滑，嗒落有鵝肝味！可是又鹹又甜，感覺怪怪哋又幾得意，有別一般的冰皮新口味。」
滋味度：★★★1/2
飽滯度：★★★1/2
創新度：★★★★1/2
黑魚子
芝味黑魚子
賣相：奶白色外表，只得品牌字樣欠新意。
解構：隨意切開後，發現只在底部得一粒黑魚子。
售價：$35（一包兩個）/ 大班
詩韻食評：「入口有大陣奶皇味，反而冇乜黑魚子味，要刻意咬碎粒黑魚子才覺得混了黑魚子在其中。嫌黑魚子唔夠多。」
滋味度：★★★★
飽滯度：★★★
創新度：★★★★1/2
青森蘋果
賣相：餅面壓紋美觀，淺綠色澤夠柔和。
解構：餅皮明顯分開，果肉與餡料的顏色接近，餡料不太軟身。
售價：$29（一包兩個）/ 東海堂
詩韻食評：「切開聞落已經有好香的蘋果味，入口有點點酸甜，果肉好實在、有咬口，煙煙韌韌，似食蘋果糖。」
滋味度：★★★★
飽滯度：★★★
創新度：★★★1/2
榴槤竹炭
賣相：黑古勒突的外表，夾雜淺黃色的榴槤肉，賣相特別但不精緻！
解構：加了竹炭粉造成的冰皮外層極「軟身」，餡料為榴槤肉，但攤出來一會已溶化。
售價：$250（一盒四個）/ 家傳餅家
詩韻食評：「好清香嘅榴槤味，吃落極濃郁，全個都係榴槤肉，黑色的竹炭粉外表好特別，但入口和一般冰皮無異。」
滋味度：★★★1/2
飽滯度：★★★★
創新度：★★1/2
朱古力月
對冰皮都嫌膩的朋友，再摩登的可買變種朱古力月餅，詩韻話：「哪有女孩不愛朱古力，選擇朱古力月餅送禮，人人都會歡喜！」
anges b.七星伴月
賣點：以七星伴月為噱頭，中間一大個印有品牌「b.」字的logo ，再配以七粒共四種不同餡料口味的朱古力星星有香蕉、黑芝
、鳥結糖及石榴，簡單得體。$298/agnes b.
詩韻食評：「冇食餅嘅感覺，當朱古力食咋！啲星星造得小巧精緻，朱古力味夠濃，夠口感，其中香蕉味同黑芝
味粒星星最好味！男仔送俾女朋友作中秋節禮物一流！」
滋味度：★★★★1/2
九星伴月朱古力月餅禮盒
賣點：10款味道包括：人參、藍莓、芒果、玫瑰花茶、芝士、芝
、杏仁脆米等，包裝一般，但白色兔仔夠cutie ，完全脫離「餅」的傳統外形。$298/ 龍島
詩韻食評：「論外形兔仔朱古力月餅最精美，是白朱古力配杏仁脆米，咬落脆口，十分趣致，可是如月亮的金色圓盒包裝有點俗氣，扣分！」
滋味度：★★★★
GODIVA 中秋節禮盒
賣點：賣相沒太大驚喜，一盒共2個大朱古力月餅，加10個迷你朱古力月餅，當中朱古力月餅有三種口味，包括以純朱古力配杏仁蓉、牛奶朱古力配榛果蓉及白朱古力配香草咖啡榛果蓉，香濃且有豐富的朱古力味。$380/GODIVA
詩韻食評：「嘩！朱古力名牌，難怪啲朱古力皮做得好脆，大size 過個咬落好有餅嘅感覺，食完整個都唔太甜膩，好掂。」
滋味度：★★★★★
龍苑奶皇月餅$148
成個月餅咬
想不到陸詩韻係為食妹一名，至今食月餅都喜歡揸住成個月餅咬！「我最鍾意就係雙黃白蓮蓉，但做咗藝人後當然唔可以食得咁放肆，龍苑同半島嘅奶皇月餅都係我送禮之選，古靈精怪嘅新口味就更加唔會放過。而每當食滯咗，我就會沖濃普洱或自製的『青檸消滯水』嚟飲！」
