陸詩韻單拖嚟睇優先場，成晚佢都表現得心事重重，冇乜笑容。
陸詩韻同監躉富豪男友曾文能嘅兩年情早排傳出因為周汶錡介入擲煲。失戀事小，冇咗個「飯碗」事大，畀著FBI 都頂住條氣啦。上週三（30日）陸詩韻單拖出席《盜墓迷城3》優先場，見到老友王賢誌嚟到，即刻好似見到好姊妹咁，一個箭步飛撲入懷。FBI 仲聽到「陸師妹」同王賢誌大吐苦水，「好唔開心呀，成日俾人寫……過啲新聞……」好清楚來龍去脈的王賢誌即刻開解姊妹：「你出嚟講清楚晒成件事好過啦。」但係陸詩韻一副啞子吃黃蓮樣，皺晒眉頭唔知點好。
事後FBI 問番王賢誌，陸詩韻係咪同佢呻俾周汶錡搶「飯碗」？佢竟然拖葉翠翠落水，「同葉翠翠啲新聞比，佢（陸詩韻）算得咩
。」咁口密，唔怪得「師妹」搵你談心啦。
攬「姊妹」陸詩韻好似積壓咗好耐嘅病人，一見到王賢誌就好似見到醫生咁，攬實對方訴苦。
唔好賴我！設計對白 盛傳搶咗陸詩韻個飯碗嘅周汶錡呢排少咗出席公開活動，搵到食就唔使兩頭撲啦！
