[日韓] 東京文華暑期優惠

問過熟日本酒店的朋友，個個都對文華東方讚不絕口，欣賞其位置一流，居高臨下對正市中心夜景，連當地人都鍾意去淺酌幾杯，我試過星期五兜一轉酒店LoungeBar ，熱鬧到嚇親！咁靚的酒店，住區區兩三日點會夠喉？東京文華特別於今個暑假推出住宿優惠，Premier Grand Room 客房買三送一，房價約$4,735起；連住五晚約$3,996的Deluxe Room ，則可免費Upgrade 至Suite ，房間更見闊落，優惠期至於10月3日。另外酒店Spa 部份最新推出Oriental Wisdom 療程，糅合東方身體療法，過程中會加入瑜伽、太極拳等環節，以冥想儀式作結，幫助提升效果，4小時療程約$5,480起。