星期五果日,在兩隻熊仔中選一隻,
30331:23600回收8000:1(法興)(2008-12-30到期)
30321:24000回收8000:1(比聯)(2009-01-29到期)
結果,安全d 選左30321......收市時,竟然兩隻同價:0.285
從數學上,8000:1的牛熊證,在400波幅下,應該有0.05(十個價位)的變化, 即係兩張證既內在值相差0.05的.
如果計埋到期日利息的影響,30321更應比30331多計一個月利息. 兩者應該相差唔止十個價位.
但...現在兩者同價(係有成交既價,唔係篤數的).
真係黑仔....選左隻企定定唔多行既30321.
有段時間,睇住恆指跌多成百幾點都可以唔升(理論上,恆指上落一百點,應該有0.0125-即係兩個價位以上既變動),結果,曾經出現30331比30321更高價. 當時真係睇到眼都突.
到底係30331叫價太高,定係30321比人壓價呢? 牛熊既莊家,有無義務要keep 住個價跟恆指上落的?
想攪清楚,如果比聯真係咁搵笨,聽日開市考慮轉左佢. 不過,之前都有玩過比聯既牛熊,唔覺有咁明顯既問題,唔通呢排我黑仔?(會唔會係因為同c 姐對賭既原故
)
