我輕咗㗎啦！（設計對白）
上個禮拜五（六月廿七日）晚，欣宜同一班藝人第二代仔女，齊齊應邀上《鐵甲無敵獎門人》。
瘦身多年欣宜就算未到目標磅數，但脂肪指數大減，但佢依然有恐懼症，玩遊戲時完全唔敢跳上譚俊彥大髀，驚對方斷腳。
輪到玩「鐵甲無敵呼拉圈」，對手換來洪天明，欣宜又笑又伸
自得其樂，難為洪天明辛苦到爆青筋，最後成功轉到四個圈，老豆係洪金寶，果然唔同。
唔敢跳，欣宜只係擒上譚俊彥大髀。
欣宜仲話細個讀書上體育堂，見到張彈床就會滴晒汗，成日幻想自己一跳上去，張床就會爛，久而久之，搞到唔敢跳。
為己為人，恐懼症其實未嘗無理，事關佢擒上六呎高嘅洪天明身上玩「鐵甲無敵呼拉圈」，對方辛苦到連青筋都現埋；可見欣宜有幾重秤。話時話，八珍都擔心洪天明會內傷，check 吓好嘅！
抱欣宜雖然辛苦，但抱起生得細細粒嘅王晶囡囡王子涵，洪天明反而更難受，事關對方叉錯腳批中「要害」，搞到佢痛到叫救命。
老豆吳耀漢唔係打仔出身，但練到渾身肌肉嘅仔仔吳嘉龍，玩「鐵甲無敵呼拉圈」時將王子涵當公仔拋來拋去，好流暢，但動作上就有些少不雅。
答錯問題要受罰，成碟忌廉飛埋嘴嘅欣宜，食得唔好
。
不斷俾錢嘉樂掟忌廉，洪天明要返入後台洗頭洗面，先可以繼續錄影，但唔記得洗埋對鼻哥窿。
