馬賽
由港姐面試開始，已經係鋒頭躉嘅11號馬賽同8號姚婷芝，經過12日美國外景之旅，鋒頭依然強勁。
不過呢對鋒頭雙嬌唔知係咪太操勞，兼且壓力大，拍完外景返港，即刻要搵醫生急救。馬賽爛面，災情嚴重，十分嚇人；而姚婷芝就月經亂晒。
姚婷芝
港姐11號馬賽和8號姚婷芝，每次出現都好似孖公仔，就連睇醫生，二人都揀埋同一日。
災情嚴重
上周四記者會上，馬賽的爛面情況近睇真係非常嚇人，但她卻否認皮膚問題跟參賽壓力有關。
繼續變幻球
姚婷芝參選以來的新聞都以負面為主，特別係佢時大時細嘅胸部，更成為傳媒焦點。
4月未爆發
4月尾港姐進行面試，被喻為翻版桂綸鎂的馬賽，當時的皮膚尚算光滑，面部粒粒仲未爆發。
搽厚粉都冇用
上周三（6月4日）早上九時許，沒有化妝、只戴cap 帽及粗框眼鏡的馬賽，離開九龍塘浸會大學宿舍，搭地鐵到中環振邦大廈，搵陳方安生弟弟皮膚科醫生方慶生求診。一向被指皮膚差的馬賽，面上的粒粒相當嚴重，連搽咗厚粉都遮唔到，難怪要睇醫生急救。
入到診所，馬賽把雨傘隨意掉在地上，然後熟練地走去嗱雜誌睇，看來她是該診所常客。
睇完醫生，馬賽搭地鐵去灣仔人民入境事務署，到內地學生簽證辦事處拿了一批文件。事後她解釋因為拍攝外景時忘記帶學生證，所以要補辦手續。
姚婷芝當日一手扶著
，一手抱住心愛嘅貴婦狗，一同去看中醫。
姚婷芝睇咗半個鐘中醫，之後由藥房代佢煲專治月事失調嘅藥，一小時後她才返回藥房飲藥。
姚婷芝同
在泰國餐館食午飯，其間她送上在郵輪所買的掛飾給
做手信，十分孝順。
姚婷芝的Benz 去到九龍城突然爆胎，嬌滴滴的她要到附近車房叫師傅幫手換胎。
同日早上十一時許，姚婷芝一臉倦容揸車到九龍城打鼓嶺道。泊好車後，她上了一幢舊樓接了
，之後兩人行到衙前圍道宇仁堂藥業，不過睇醫生的並非
，而是姚婷芝本人。
記者向該藥房職員查問姚婷芝的藥方，職員表示專治內分泌失調。「如果女性嘅話，月事失調嚴重最岩用。」參選以來，一時被指「打假波」，一時又被指遭其他佳麗杯葛，是非多多的姚婷芝，竟然搞到月經失調要求醫。
唔認壓力大
本周四（6月5日）中午，本刊直擊訪問兩人。馬賽對爛面直認不諱：「我呢兩日都有去睇醫生，因為啲皮膚比拍外景前差咗，醫生話成日搽防曬同埋化妝，啲毛孔冇得休息。（怕唔怕影響比賽？）都唔驚嘅，仲有時間。」
姚婷芝就否認月經失調：「我係去睇中醫調理吓，因為外景完覺得自己有啲燥熱。（係咪因為是非多壓力大呀？）壓力一定會有，但係我唔會為呢啲事唔開心。」
剩番個幾月就決賽，呢對鋒頭雙嬌唔知夠唔夠時間急救呢？
