封面:12歲出身紅到日本 Angelababy國產妹大改造「
界女神」Angelababy （楊穎）成為本地電車萬人迷，最近更衝出亞洲，國際名牌Armani 搵佢做化妝品示範，更於日本時裝雜誌擔任御用模特兒，賺日圓再搵「人仔」，有錢有地位。
Cute 爆樣貌加混血㗎妹有市場，其實上海出生的Baby 自細發星夢，12歲已於家鄉學人拍廣告，可惜當時小鴨嘴再加蘭茜哨唔多省鏡，好彩6年前來港後，經專人大改造，成長天鵝由國產土炮化身索㗎妹。
最勁是Baby 識變臉，同一個樣改啲化妝大家分分鐘唔認得，見多幾次唔怕滯，又確係幾抵用嘅。
今年2月剛滿19歲的Angelababy ，上年開始人氣勁爆，周董搵佢做演唱會伴舞，又踩入電影圈客串《破事兒》一戲，上年更進軍日本模界，擔任日本女性雜誌《Dear 》的御用模特兒。
鋪定㗎路
踩過日本模界，原來Angelababy 於上年頭已鋪定路，在香港經理人公司「Style 」引薦下，上年已加入日本「Blooming 」藝人事務所屬的「Brava 」模特兒公司做外勞model ，去年初日本女性雜誌《Dear 》開書前，日籍總編輯睇過Baby 索樣後，即對佢一見鍾情。
本刊曾以電郵方式問及《Dear 》為何睇中Baby ，雜誌總編輯回覆時更有讚冇彈：「Angelababy 好靚女，面部嘅balance （冇大細面）好均勻，加上皮膚好靚，我覺得佢一定啱日本人口味，我哋本書出咗街後，已有超過十個廣告商問我嗱佢啲資料。」
雖然該日本時裝雜誌快將停刊，不過做雜誌model 係第一步，據知Baby 下月已有日本化妝品牌廣告出街，據知情人士說：「佢（Angelababy ）最近啱啱拍咗個日本化妝品廣告，下月中就會出街，酬勞唔係好多，大概5萬港幣，牌子唔講得住，但好明顯Baby 已經成功開拓咗日本市場。」
用盡外勞
日本女性雜誌《Dear 》御用模，除咗做封面女郎，更要替書內多個欄目做示範，一本書見足佢10幾次，認真抵用。
㗎書編輯喪讚
對於《Dear 》雜誌為何採用Angelababy 做御用模特兒一事，總編輯富川淳子回覆話：「首要條件是皮膚靚，其次要唔好經常響日本雜誌亮相，最後要形象健康。」Baby 3個條件都符合，該雜誌即起用佢做御用model 。
響《Dear 》雜誌中亦有刊登Baby 嘅簡介，介紹佢係香港知名模特兒及影星，仲形容佢為年青人偶像。呢張相，仲係Baby 在其香港屋企傲雲峯留影。
阿媽狂打
而家唔開聲似足㗎妹的Angelababy ，原來是國產土炮，阿爸是有八分一德國血統嘅香港人，阿媽則是上海人，在上海出世跟父母生活的Baby ，12歲已發明星夢在大陸拍廣告，13歲來港在聖母院書院讀中三，當時廣東話都未講得正已被同學仔幫拖將Baby 的相片寄去《Yes!》雜誌應徵做模特兒，成日發明星夢當然唔願讀書，Baby 亦承認自己細個唔識諗：「我嗰時唔想讀書成日去玩，阿媽就成日藤條炆豬肉，到中四終於發現自己英文太差先識醒，我會考都有13分，係英文差啲囉！」
不過星癮始終難頂，其後Baby 至中六半途輟學做全職model ，經理人教她箍牙執靚樣之餘，而Baby 亦好進取，經常買日本時裝雜誌做參考，經過一輪苦功兼專人執一執，改頭換面的Angelababy 成個索晒，上年爆紅後，有指她的騷價亦由去年的8千元一個騷，躍升到2萬元，身價三級跳。雖然價錢貴啲，但一樣搶手。好似上週Armani 的化妝品系列在北京搞騷，亦揀中Baby 做示範，還由幫章子怡化妝嘅Armani 首席化妝師Rez a Zaimeche 親自落手，擺明好重視。
Baby 從國產到踏出國際第一步，連出名難接受外勞嘅㗎仔都受，下鋪應該進軍荷里活啦！
大師出手
上週五（18日），Angelababy 以素顏樣上台做化妝示範，雖然青春期嘅Baby 額頭爆瘡（右圖），但落手化妝嘅Armani 首席化妝師Rez a 就狂讚佢皮膚靚。
掘人仔貼身睇
最近Angelababy 由經理人阿Kim （墨鏡者）陪伴下，經常日本及大陸兩邊走，job 多錢多，留北京三日仲把握時間又玩又食，難怪離開機場時咁風騷！
琦琦讚高難度
Baby 成功殺入日本做雜誌御用模，早前曾試過開拓日本市場的香港名模琦琦就話好高難度：「日本啲名設計師，好多時都鍾意提拔自己國家嘅model ，我以前去日本發展，都係因為我響巴黎開過騷，好似Baby 咁嘅情況真係第一次聽，香港同大陸，我都未聽過有model 可以咁叻，可能係日本人鍾意啲鬼鬼哋但又唔係鬼妹嘅外國面孔，我見過Baby ，個look 應該啱晒佢哋口味嘅！」
Baby 不停搞新嘢
Baby 13歲由上海來港，自細發星夢唔多肯讀書的Baby ，除了流露她的索模潛能，04年15歲同周俊偉拍港台劇《天下無敵》仲扮過搞笑版《Kill Bill 》，果然有潛質食娛樂圈飯。
Zing ：「佢化完妝似上身！」
Baby 出騷次次唔同樣，唔係電車fans 確係幾難認，對於Baby 嘅百變面孔，同佢合作過嘅星級化妝師Zing 就讚唔停：「Baby 嘅輪廓同外表可塑性好高，外貌係其次，最緊要係我覺得佢個腦好有嘢，意思係佢有思想，諗嘢好正面，就因為咁，佢好能夠配合到現場環境同表達化妝，化完妝好似上身咁，所以大家覺得佢成日唔同樣，咁即係佢好成功表達到化妝師想表達嘅嘢！」
Baby 04年箍牙時影落張孖辮嚇鬼相（左圖），佢自稱係嗰時「細個唔識嘢」影落，不過如今醜小鴨大改造，即刻成個樣sharp 晒，難怪連阿Zing 都讚佢有潛質。
百變女神
07年12月
任Clarins 化妝比賽嘉賓時，Baby 化咗白色妝再恤個大波浪髮型，個樣有啲似劉心悠。
08年3月
出席DKNY 騷嘅Baby ，轉個中間界直髮，個樣都唔同咗，睇落有啲似2R 嘅Race 。
08年4月
週一（21日）出席「Eyes On Me 」眼鏡騷，Baby 畫上眼尾向上戚嘅粗眼線又變樣，有啲似張栢芝喎！
Baby 最新模仿目標係同樣幫《2％》代言嘅混血㗎妹藤井Lena ，除咗造型似，連個手指篤唇嘅甫士都學到十足。
孖模攬住錯
界孖模Janice Man （文詠珊）同Angelababy 兩個都係讀完F.5就出道做索模，讀書唔多本來同做model 冇乜衝突，不過最慘係兩個都有鋪寫blog 癮，用中文寫多幾隻字即刻露底，文筆唔順都係小事，最慘係孖妹經常錯別字，睇嚟兩位都要惡補吓啲中文喇！
身高5呎6、三圍32、23、34，體重只得90磅的Baby ，雖然唔賣肉，不過佢就好識利用眼神，玩吓唇戙高腳，都夠你班電車仔流鼻血啦！
Baby 掛牌嘅日本模特兒公司叫《Brava 》，屬於藝人製作公司《Blooming 》嘅分公司，旗下最紅是三線姐仔牧瀨里穗，屬小規模公司。
FACE周刊第48期
