Juno反寸陳冠希怨氣重EQ低

Juno反寸陳冠希怨氣重EQ低
22/04/2008

麥浚龍（Juno ）為了「護嬌」（鍾欣桐）不惜跟陳冠希（Edison ）隔空開火，Juno 昨日指Edison 怨氣重，又跟Edison 旗下的農夫冤家路窄，除了撞褲穿 同一牌子外，三人全程零交流，農夫為撐老闆亦怒睥Juno 。

無 昨日為拍攝08北京奧運主題曲《光輝大地》ＭＶ，安排近一百名歌星、藝員到中環四號碼頭拍攝，無 卻大細超安排一眾三、四線歌手下午兩點到場，於烈日當空下暴曬個多小時，而一線歌手如陳奕迅、容祖兒、古巨基等則接三點半通告才到場，令鄭融及一些歌手又曬又熱到黑面。

現場所見，Juno 、農夫冤家路窄被安排企埋一堆，與阿嬌傳緋聞之方力申亦在場，但跟Juno 未有交談。身嬌玉貴的Juno 在高溫下全程表現極hea ，做動作都是敷衍了事。

唔想潑婦罵街
早前他暗踩Edison 賣街頭服後，Edison 以「有種就當面對質」作還擊，昨日Juno 被問及此事，口口聲聲說不想潑婦罵街，但就句句有骨指Edison 怨氣重：「我唔會對號入座，佢對香港同香港人太大怨氣，所以唔會太斟酌，佢不嬲都係咁講 。（佢話有種當面對質？）毋須要，唔係有冇種問題，大家處事方式唔同，我講自己諗法，佢回應乜 唔關我事。（你話佢街頭服喎！）我唔會攻擊任何人，只係話大家唔同路線，我唔想潑婦罵街，大家性格唔同，唔明佢咁講乜意思。（會同Edison 解釋番？）佢對成件事怨氣太大，我同哥哥都只係做好自己 ，唔會理人 私事。」

否認搶人生意
Juno 又懶理Edison 的店舖重開，揚言自己跟外國牌子好傾大家才合作，並非搶回來，他又強調是最後一次講這件事：「太浪費資源。（你覺得Edison ＥＱ低？）唔知，我同佢唔熟。（你ＥＱ高？）我諗我冇咁易（發火），冇話ＥＱ高 ，做好自己 ！」

蔡卓妍曾叫他寫Blog 清晰點，不要令人誤會跟阿嬌有關，令她疲於回應，昨日她因在大陸拍電影《武俠梁祝》，加上發燒未能上機返港，跟Juno 緣慳一面。