娛樂頂點
生日雙響 曾志偉暗溝貝安琪召妙齡靚女上門
我雖然55歲，但仲有心有力㗎！（設計對白）
本周日志偉在集美會門外風騷地應對記者的採訪，原來稍後有特備節目。
本周一（4月14日）是獎門人曾志偉的55歲生日，適逢其生日前夕是香港電影金像獎頒獎禮，首次成為金像獎副主席嘅志偉，憑住縱橫娛樂圈三十多年嘅人際脈絡同交際手腕，今屆由佢一手籌劃嘅金像獎雖然唔算得上星光熠熠，但整個節目都相當精彩。
志偉除咗憑自己話事人嘅關係，請到梁朝偉同劉德華一眾影帝撐場外，就連最近佢暗溝嘅對象貝安琪亦安排入邀請名單上。周日晚忙完金像獎，志偉隨即趕去自己個生日派對，當晚除咗有多位緋聞女友到場賀壽外，全程更有一妙齡靚女陪伴，最後仲上埋去志偉寓所賀壽添。只是影壇新丁的貝安琪，竟獲曾志偉提議在金像獎中擔任頒獎嘉賓，頒發一個分量頗重的「最佳亞洲電影」獎，可見他對這位細侄女的確寵愛有加。
首次成為金像獎頒獎禮副主席的曾志偉，今年只係專心做搞手，為咗令到頒獎禮有聲有色，志偉大耍友情牌，廣邀圈中好友出席撐場，劉德華、李連杰、梁朝偉等巨星都俾面出席支持。不過當晚出現的頒獎名單中，最無厘頭就是貝安琪竟然榜上有名。據知情人事透露：「開會時大家商量要搵咩頒獎嘉賓，志偉一開口就話搵貝安琪做，話佢又靚又識英文。仲交帶要留個好位俾佢，我哋做細嘅邊會問咁多嘢，但估唔到佢哋咁鬼熟。」文雋（右）當了四年金像獎主席，終要退位讓賢。今年分別由陳嘉上（左）和曾志偉擔任主席和副主席，首次接棒，志偉即戮力攝世姪女貝安琪在金像獎的好位上。
這次由志偉安排，貝安琪與母親劉香萍竟可坐在候選人和眾電影老闆附近，但有人質疑二人未夠班。
停播多時的《獎門人》節目重新推出，每集平均收視高達37點，難怪眾多女星都爭住上《獎門人》，可見志偉甚有女性緣。《壹週刊》圖片
落力sell 女去年曾志偉在電影《七擒七縱七色狼》與貝安琪合作過，飾演空姐的貝在戲中僅穿內衣色誘曾志偉，一個幕前送秋波，一個幕後好照顧，何況志偉經常關照細侄女，咁岩貝安琪母親劉香萍又好想乖女在電影界大展拳腳，所以二人一拍即合。曾經與志偉合作的幕後人員爆料：「近期佢成日sell （貝安琪）俾人，又唔係抽佣又唔係做人契爺，咁落力為乜喎？」
據知本來因志偉的關係，金像獎當晚原先安排貝安琪擔任「最佳亞洲電影」的頒獎嘉賓，怎料大會卻臨時即場換人。記者向貝安琪母親劉香萍求證此事，她說：「係呀，係志偉邀請我哋，本來過晚係有特別任務，但好似over run （超時），所以最後冇頒到。」雖然表面上是節目超時，其實大會見到內地演員胡軍在冇提名下，都來港俾面撐場，所以只屬影壇新丁的貝安琪只好讓路，由影帝級人馬胡軍和與他曾在電影《藍雨》中合作的導演關錦鵬頒發此獎。
而身為金像獎半個話事人嘅志偉可以話係風騷到極，周日晚出席完大會於洲際酒店慶功宴後，即急急腳於十二點前到灣仔集美會，跟同月同日生日的黃杏秀慶祝生日，到場嘅嘉賓就只有陳百祥和他公司旗下嘅藝人如裕美和EO2等。對住班後輩玩得唔盡興嘅志偉，坐了個多小時便立即轉場到Basement 繼續狂歡，繼續佢嘅生日周瘋狂慶祝之旅。去年飲到嘔
去年志偉同樣到Basement 慶祝生日，還被拍得有三名貌似北姑嘅女士於凌晨四時進入Basement ，為志偉賀壽兼救火，離開時欴到醉醺醺嘅志偉，仲想嘔添！
今年
住走︰本周二凌晨4時，連劈兩晚嘅志偉最終都係醉住走，其衣服更被酒沾濕一片，醉到不省人事嘅志偉一上車即呼呼入睡。
沒有老公葉劍波嘅日子，傅明憲（左）依然不愁寂寞，志偉於Basement 繼續狂歡之際，傅明憲與女性友人玩到凌晨三時多才走。
場內爭鋒呷醋當晚除咗有唔少平時喺Basement 玩開嘅蒲友俾面到場，好似佘詩曼、三哥苗僑偉、鄭中基等老友之外，仲有唔少同志偉傳過緋聞嘅女星亦相繼到場。不過愈夜愈精彩，一早到場嘅湯盈盈以為這晚有機會埋志偉身，但據場內人士透露，志偉全晚都冇騷盈盈，「過晚志偉滿場飛，湯盈盈根本冇機會埋身，不過志偉同一個黑衫妙齡靚女玩得好埋，個女仔兩點幾先到，一嚟就同志偉不停隊酒，志偉不知幾冧。」據知該名女子是由Basement 其中一位老闆之前介紹志偉認識，大家只知她叫陳小姐。
湯盈盈見志偉另有目標，深感無癮，玩到三點便離開。及後該名妙齡靚女更由志偉的司機阿魚先行帶走，靚女被安排到附近嘅珀麗酒店等候。不久司機再接志偉離開，打算與靚女會合，誰知大批記者追訪。志偉情急之下惟有在途中下車與記者講數，話自己喝醉了都是一個人回家，沒甚麼好採訪。不過靚女最後還是被踢爆自乘的士去了志偉寓所。
玩完一晚嘅志偉仲仍然有心有力，翌日晚上生日正日再次出動到銅鑼灣與一眾圈內朋友到利舞台晚飯，之後再次到Basement 慶祝生日，不過今次志偉醒目得多，只係叫齊一眾Basement 蒲友，前一晚過位黑衣靚女全程不見影縱，眾人劈到凌晨四時多才盡興而回。2:30am
妙齡靚女由志偉司機阿魚送到Basement ，雖然她全身黑色打扮，但腳上穿上紅鞋賀壽。
妙齡靚女面對鏡頭左閃右避，很不容易才拍到她的廬山真面目。
5:15am
兩個多小時候後，靚女由志偉司機陪同下離開Basement 上了的士，但她坐了不夠一分鐘便在隔籬街的酒店下車。等𨋢上房時，靚女見有記者拍照，即時掩面貼牆而站。
5:30am
15分鐘後，志偉醉醺醺步出夜店。司機把車駛到酒店打算接靚女上車，但最後發現記者追訪，即時開車返回志偉畢架山道和域臺寓所。
5:45am
在酒店大堂閃避了15分鐘的靚女，以為記者已跟志偉離去。即急急腳登上的士離開，全程十分鬼祟。
6:00am
靚女於15分鐘後到達志偉寓所，保安員早已開閘等候，明顯有人早已安排。
靚女送上門足本睇
矮仔多女湯盈盈
盛傳被志偉極力照顧嘅湯盈盈，近年成為志偉身邊嘅最得力玩伴，除咗鬼妹仔性格玩得又open 之外，任勞任怨隨傳隨到嘅盈盈，更被拍到她與志偉同遊台北兼為志偉抹汗等親暱行為（右圖）。不過被問及志偉生日當晚有靚女送上門時，盈盈笑說，「我冇見到呀！friend 嚟㗎，真係唔知，我冇留意到喎！」
葉蘊儀
00年葉蘊儀與丈夫陳柏浩鬧離婚，全靠志偉一直喺Gloria 身邊鼓勵，又幫佢請律師，之後更主動幫Gloria 傾其復出大計以助其回歸娛樂圈，之後二人火速撻著。《壹本便利》圖片
Tiffany
Tiffany 因參加有線成人節目舉辦嘅Cat Girl 選舉而進軍娛樂圈，但去年為電影公司老闆細馬工作時認識志偉，輾轉下現在已成為志偉的三陪近身助手，即陪玩陪飲陪出埠。《壹週刊》圖片
林苑
現為側田女友嘅林苑係由志偉一手從內地發掘到香港發展，志偉更安排她於九龍城居住，而每月租金$4000及生活費皆由志偉負責。簽到志偉旗下公司後雖然星運平平，但仍欽點她做電影《江湖》女主角，其後被周刊拍得二人於酒店密會。
岑寶兒（阿夢）00年雖為落選港姐，但被志偉睇中因而有機會於落選後加入《獎門人》，令其知名度大增。
