主客和
最簡單既玩法，係９０分鐘賽事入面，估計該場波個賽果係主隊羸波，和波收場定係客隊羸波。
半場主客和
同主客和玩法一樣，只不過剩係估計上半場（即係４５分鐘）個結果會係主隊羸波，和波收場定係客隊羸波。
讓球主客和
同主客和玩法相類似，同樣都係係９０分鐘賽事入面，估計該場波個賽果係主隊羸波，和波收場定係客隊羸波，不過話明係讓球主客和，即係話會有其中一隊會先讓另一隊一定既球數。
例子１：Ａ隊（主隊）讓Ｂ隊（客隊）１球，９０分鐘賽果係０：０，係呢個例子底下，由於Ａ隊讓Ｂ隊一球，所以呢場既讓球主客和就會係客隊羸波
例子２：Ａ隊（主隊）讓Ｂ隊（客隊）１球，９０分鐘賽果係１：０，係呢個例子底下，由於Ａ隊讓Ｂ隊一球，所以呢場既讓球主客和就會係和波
讓球
讓球其實同讓玻主客和差唔多，只不過是沒有和波收場呢個賽果，讓球一方會稱為上盤，受讓一方會稱之為下盤，如果打和，就會當冇玩過，即係我地所講既走盤
例子１：Ａ隊（主隊）讓Ｂ隊（客隊）１球，９０分鐘賽果係０：０，係呢個例子底下，由於Ａ隊讓Ｂ隊一球，所以呢場既讓球就會係上盤羸波
例子２：Ａ隊（主隊）讓Ｂ隊（客隊）１球，９０分鐘賽果係１：０，係呢個例子底下，由於Ａ隊讓Ｂ隊一球，所以呢場既讓球就會係走盤
有時我地會見有２個盤開出既，例如０／０．５，意謂讓平半，何謂平半呢？？舉個例子便會好易明白
例子１：Ａ隊（主隊）讓Ｂ隊（客隊）０／０．５球，９０分鐘賽果係０：０，係呢個例子底下，由於Ａ隊讓Ｂ隊平半，所以呢場既讓球就會係輸一半，因為Ａ隊有２個讓波盤，一個係平手（即係０球），一個係０．５球，０球個盤由於賽果係０：０，即係變Ｏ左做走盤，但係０．５球ｏ個個盤，佢要讓人半球，但係賽果係０：０，即係變相輸ｏ左半球俾第２隊，所以呢個盤輸ｏ左
例子２：Ａ隊（主隊）讓Ｂ隊（客隊）０／０．５球，９０分鐘賽果係１：０，係呢個例子底下，Ａ隊就會羸晒２個盤喇，相反，如果賽果係０：１，咁Ａ隊就會輸晒
大細
大細都係一個好簡單既玩法，只需估計係９０分鐘賽事入面既總入球數量係大於定係小於預設既數值
例子１：Ａ隊 對 Ｂ隊（２．５球），９０分鐘賽果係１：１，２．５球係一個界線，９０分鐘既總入球多於２．５球便算是大，相反，便是小，係呢個例子入面，９０分鐘既賽果係１：１，１＋１＝２，由於２細過２．５球，所以便是細了
例子２：Ａ隊 對 Ｂ隊（２．５球），９０分鐘賽果係３：１，３＋１＝４，由於４大過２．５，所以便是大了
總入球
同大細差唔多，都係計９０分鐘之內雙方一共入ｏ左計多個波，會有０球，１球，２球，３球，４球，５球，６球，同埋７＋球（即係７球或以上）既選擇
半全場
半全場即係半場主客和同埋主客和既混合版，先要估半場開既賽果，之後要再估全場開既賽果，半全場一共有９個頻選擇，分別係：
- 主主（即係半場４５分鐘主隊勝，全場９０分鐘主隊勝）
- 主和（即係半場４５分鐘主隊勝，全場９０分鐘和波收場）
- 主客（即係半場４５分鐘主隊勝，全場９０分鐘客隊勝）
- 和主（即係半場４５分鐘和波收場，全場９０分鐘主隊勝）
- 和和（即係半場４５分鐘和波，全場９０分鐘和波）
- 和客（即係半場４５分鐘和波，全場９０分鐘客隊勝）
- 客主（即係半場４５分鐘客隊勝，全場９０分鐘主隊勝）
- 客和（即係半場４５分鐘客隊勝，全場９０分鐘和波）
- 客客（即係半場４５分鐘客隊勝，全場９０分鐘客隊勝）
