真面目
有大水喉照，Isabella 生活本應唔使憂，但最近有指男友李澤楷旗下的「大國文化」以2億贖身計劃，有可能擱置，巨星夢隨時泡湯，到時Isabella 有排愁。
19歲梁洛施（Isabella ）自與李澤楷上海邂逅，即與經理人公司英皇擺陣，故態復萌玩失蹤，連傳話亦經律師往來，據知由她主演的荷里活片《盜墓迷城3》宣傳期迫近，但梁千金一樣冇尾飛陀，有指英皇正打算出信，迫她回覆宣傳事宜。
Isabella 恃住有大靠山照，雖早前傳出李澤楷會豪掟二億幫她贖身，開新公司全力捧她做巨星，不過最新消息指，小小超愛將李進，最近力勸老細擱置行動，加上再傳父親大人李嘉誠插手干預，Isabella 呢張長期飯票，隨時中空寶。梁洛施去年11月到上海拍荷里活大作《盜墓迷城3》，經戲中飾演其母的楊紫瓊介紹，即與41歲李澤楷打得火熱，邂逅90億富豪，Isabella 忽然富貴，進駐貝沙灣獨立屋，更傳有張限額不少的黑咭任碌，水頭充足。出信交期生活無憂的Isabella 即時「潛水」，更與經理人公司英皇玩對抗，有指Isabella 至今仍未有親自聯絡公司交代事件，令英皇非常頭痕。「其實《盜墓迷城3》就快要宣傳，但一直搵唔到佢（Isabella ），咁搞法隨時會發信畀佢，迫佢要有一個限期答覆。」知情人士說。
闊太上身搭上小小超後，Isabella 忽然富貴，上月尾就孖住阿媽到IFC 嘅超級名牌「BV 」掃袋，BV 一個手袋閒閒哋十萬八萬，當時佢以黑咭找數，睇佢一身打扮比以前高貴成熟，19歲已有闊太feel 喎！
楊受成
老闆錫住有指英皇老闆楊受成，投放甚多資源於Isabella 身上，前年春茗仲安排佢坐喺旁邊，此情此景仲有冇呢？贖身擱置有傳最近小小超擬以2億幫Isabella 買斷與英皇的合約，羅致到旗下的「大國文化」，更會開新label 助她攻打荷里活市場。消息指，最近原來有人勸小小超擱置贖身行動，「話晒2億唔係小數目，贖咗Isabella 都唔知賺唔賺得番，所以李進曾經勸過Richard （李澤楷）：『暫時停一停啦，唔好搞贖身啲嘢住啦！』小小超都有咁嘅打算。」
本刊在週一（17日）致電「大國文化」揸弗人李進，問他有關急停贖身一事，他以不在香港為由拒絕回應：「我唔喺香港，我完全唔知呢件事，不如問吓而家我哋國內發展的嘢好過啦！Ok ，bye ！」即掛斷電話。
李進勸止李澤楷喺02年創立「大國文化」，搵埋黎明及鄭秀文前經理人李進掌舵，擁有90億身家嘅李澤楷要捧紅Isabella 絕對冇問題，但要出2億幫佢贖身，就唔係小事，有傳李進出言勸止。難養一世贖身計劃有變，最近連小小超父親李嘉誠亦插手他與Isabella 戀情，有指李嘉誠經富豪好友鄭裕彤出言相勸，叫小小超要顧及自己身份，不要將事情鬧大。上週六（15日）出席好友明嘉福追思彌撒的李嘉誠，原本四萬咁口，但被記者追問有關小小超的緋聞時即時黑面，還一言不發閃身上車離場；至於被傳是介紹人的楊紫瓊，上週五（14日）出席LV 活動時，亦以喉嚨唔舒服，封口避談兩人戀情。
至於與楊紫瓊孖住現身LV 活動的髮型師好友Ricky Kwok ，據知亦曾力勸Isabella ，叫她凡事不要去得太盡，樣樣都要留一線，「人哋未必養佢一世」。記者本週一致電Ricky Kwok ，他一聽Isabella 個名，就話：「呢啲問題冇意思！」即收線。贖身急停，昔日好友唔願提，恩怨發展，惟有等梁洛施現身解結。
超人黑面上週六，李嘉誠出席好友明嘉福的追思彌撒時，被問到小小超與Isabella 嘅緋聞時，即黑面。楊紫瓊
Ricky Kwok
《盜墓迷城3》劇照
楊紫瓊因與Isabella 合演《盜墓迷城3》成好友，上週五晚，楊紫瓊帶埋御用髮型師Ricky Kwok 出席LV 活動，一到場即同在場fans 揮手好風騷，但當被問到Isabella 一事時，即封口唔答。叛將下場楊受成旗下英皇曾捧過唔少女星，當中亦有唔少叛將和棄將，離開英皇後前途各異，有好有唔好。
做少奶奶 何嘉莉反枱原因：被英皇反對與髮型師男友拍拖，亦被放逐台灣，02年主動解約。
下場：06年下嫁發記甜品太子爺黃逸璋，過少奶奶生活。
走佬嫁人 張佳佳反枱原因：因喪蒲、沉迷拍拖，被英皇雪藏，04年賠70萬要求解約。
下場：5年前與圈外人結婚，現定居美國。
轉行公關 劉思惠反枱原因：02年與Yumiko 及蔣雅文組成3T ，但星途欠佳，05年要求解約。
下場：離英皇後曾開時裝店，執笠收場，最近轉往中環Qube 酒吧當宣傳公關。
做記者妹 趙頌茹反枱原因：與周永恆拍拖，荒廢事業，05年與英皇提出解約。
下場：現任職freelance 記者，主要採訪時裝及美容資訊。採訪、撰文：娛樂組
攝影：攝影組
