嘩，如果Ella 響《律政Ⅱ》都以呢個造型出場，應該冇人會留意馬國明，不過又估唔到佢響呢套劇勁受歡迎，連女fans 都勁撐，就算成日俾馬國明叫佢做「癲雞」都冇所謂啦！
Xbox 隻RPG 「Lost Odyssey 」出中文版，搵嚟呢期入晒屋嘅「律政癲雞」官恩娜（Ella ）拼木村乃cosplay 遊戲人物做宣傳。日本game 夾日本妹，本應乃妹入型入格贏晒，不過官恩娜谷胸上頸迫出湯碗胸抗衡，成就咗呢一幕㗎妹大戰湯碗胸嘅場面。
講級數，其實乃妹都唔係弱，但係點解佢套衫咁密實呢？原來有故講，有線人爆料話原來大家都係畀晒三圍遊戲機公司嗰邊搞件衫，不過到試衫時，官恩娜就話件衫離罩，要改緊啲，而木村乃嗰件本來都幾sexy ，點知就因為唔啱身而要黐膠紙兼冇充實效果。到底有冇人出陰招呢？Ella 就話：「前一日試衫個心口位唔fit ，所以叫佢改番緊少少，都預咗個胸會好谷，但效果好就冇所謂啦。我冇加任何墊或者nu bra ，呢類宮廷衫束咗腰嘛，唔使托㗎！」而木村乃就呻話：「件衫改得唔好，所以走位，我唔想同人哋比較㗎。」
唔，打機都可以用秘技啦，改衫唔算陰招啊，爆到機咪得囉，Ella 今次就爆晒喇。
地獄年糕
黃金劇《律政Ⅱ》令到Ella 忽然紅爆，日日都出function 狂搵真銀。上週六（19日）佢為仁愛堂義賣年糕，仲即場煎年糕盡顯破壞王本色。
官恩娜曾俾周中師傅冠以「地獄廚神」嘅威名，一直冇乜人敢搵佢入廚。呢日官恩娜雞手掉舊年糕落鑊，搞到隔籬師奶俾滾油彈親，繼而又嚇到旁邊細蚊仔揞住對耳，果然夠地獄呀！
而木村乃個角色就叫Seth ，件衫密實好多㗎！
Ella 扮演嘅主角叫Sarah ，係遊戲中男主角嘅老婆，有個著成咁嘅老婆，畀著FBI 就唔去打怪獸，留響屋企仲好玩；
Ella 心口行先，綽號東瀛乃魔嘅木村乃都要企埋一邊，真係忍唔住當場黑面㗎，不過既然莊閒一早分好晒，認命啦！
能見度低
官恩娜一出場，就吸引晒全場攝記喪影，搞到木村乃都真係幾冇癮，Ella 勝券在握，呢吓斜望乃妹個胸，就知咩叫做贏啦！
