郭富城一連九場嘅《舞林正傳演唱會》上周五（16日）正式開鑼，打正旗號跳足全場嘅城城，經過三個多月地獄式特訓後，體重跌至新低得125磅，腹肌肋骨任睇。城城揚言要帶給觀眾新鮮感，除晚晚唱到超時罰錢，更在水池大玩濕身跳舞。
操到冇乜多餘肉嘅城城，最後竟然跳到甩褲，後面八月十五一覽無遺，前面更激凸現雄風。難怪熊黛林欣賞完個唱後，向本刊記者表示：「個concert 好好feel ，佢好sexy!」
豁出去嘅城城在水池中不停跳舞，全身白衫白褲浸到濕晒，see-through 狀態下，城城雄風現形，非常誘惑。
本周二（20日），記者訪問出席完Just Cavalli 開幕活動嘅熊黛林，佢甜絲絲大讚城城個唱演出精采，難怪睇騷當日佢全程high 爆。
著肚兜上身
城城上身灑滿銀粉，只掛上一件藍色肚兜，盡騷發達胸肌外，兩邊排骨亦現晒形。花花頭飾出自Dior 御用設計師，值兩萬幾蚊。不過觀眾焦點始終在那件似T-back 的肚兜上。
學Jolin 玩雙槓
城城食住奧運熱，在鋼架上大玩雙槓，雖然只用了個多星期排練，但亦輕易地做出多個高危動作。由於全無威呀，場面頗為震撼，但就有抄襲早前蔡依林在紅館玩*環之嫌。
黃金甲擒女
演唱會所有造型概念及設計由張叔平及陳國華負責。這個黃金甲造型，以膠片扮刺蝟，本身已重量十足，仲要擘行雙腳俾女dancer 捐，確實似原始森林人類的行為。
好巨鬥室
舞台由平面變為立體，慢慢180度向高升起，繼而自轉，城城與各舞蹈員在一格格密室內要因應舞台變化將身體移動，難度頗高。雖然舞台超巨，又耗資成百萬，不過就有觀眾投訴城城變得太細粒，搵唔到佢。
火紅龍蝦
特別訂造的火紅電單車在台側進場，頭戴白色膠罩的城城，此時正唱著與熊黛林拍MV 撻著的訂情歌〈銀色公路〉，難怪咁肉緊！
愈老愈裸
計埋今次，城城在紅館已經開了七次個唱，每次都跳到甩肺咁滯，不過薑愈老愈辣，以前錫身的城城，近年已全面轉向裸晒型，經常裸住跳舞。
前面激凸
後面露底
忽然一周第643期
