李兆基讚孫女觀音化身

全城矚目的李家誠與徐子淇愛情結晶品李晞彤（Leanna ）的百日宴昨晚隆重舉行，爺爺李兆基大讚孫女腳頭好，是觀音化身之女，一出世便帶挈公司賺過千億，名副其實是個萬千寵愛在一身的金叵羅！

小公主李晞彤（Leanna ）一連兩天的百日宴昨晚假四季酒店舉行，過百傳媒早於下午三點多已齊集會場，更有約一百名保安維持秩序；出席賓客包括有楊受成夫婦、林建岳、林孝賢、霍啟山、霍啟剛及李民橋等。

昨日傍晚六時半左右，爺爺李兆基乘座駕抵達，記者們爭相採訪，十多名保鏢築起圍牆護主，四叔亦十分識做，停下來接受訪問，談到孫女更是眉飛色舞：「BB 女腳頭好，有個風水師話佢係 觀音出世 時間出世，時辰八字好好，係金叵羅，佢一出世好多 都順風順水，帶挈公司賺過千億，係觀音化身之女。」

記者笑問四叔可會替孫女開個一億戶口？他說：「佢依家太細個喇，等大個 先。」四叔續說，相士吩咐他不要重男輕女，生女還比生仔好：「BB 命水好，希望佢有多 慧根。」最後，向來喜歡熱鬧的四叔又不忘跟記者說：「佢 三年抱兩、同六年抱四都好。」

子淇唔怕肥百磅
而富貴爸媽李家誠（Martin ）及徐子淇，在晚上八時拖手出來讓記者拍照，佩戴名貴珠寶首飾的子淇，以一身粉紅色谷胸晚裝示人，她透露珠寶是老爺送贈的。對於老爺指晞彤為觀音BB ，子淇笑說：「我好開心生 呢個BB ，我有時抱住佢都會感動到喊，佢係上天賜畀我同Martin 最好 禮物，我同Martin 都覺得從來冇試過咁愛一個人，佢帶畀我 好多歡樂同笑聲，所以就算我再肥一百磅，再多一條妊娠紋都冇所謂。」

子淇又謂，現時老公跟愛女對她同樣重要：「我同老公要互相支持度過一生，一齊保護同愛錫BB 。」子淇又附和老爺，笑言要六年抱四，愈多愈好。對於老爺表示會分一億給囡囡，子淇聽罷笑說：「我要借個女分享，不過其實一家人冇計啦！」其後，Martin 又當眾向太太致謝：「要好多謝佢，佢咁辛苦！仲有佢好乖，冇發脾氣！」

此外，榮升外婆的子淇媽亦深表興奮，笑言現在和女兒爭抱孫女，她接受本報訪問時笑說：「好開心呀，成家人都好開心！（送咩畀孫女？）都係玩具同衫仔。（貴重 留畀爺爺送？）好多人送禮物畀孫女。」

投資股票賺到笑
「亞洲股神」李兆基盛讚孫女晞彤「腳頭好，好似觀音化身」，但究竟腳頭有幾好？晞彤於七月十七日出世，當時「四叔」旗下兆基財經總資產約1,500億元，但昨日透露已漲至1,800億元！

李兆基真係痴咗、觀音係佢個孫、咁佢自已咪係玉皇大帝。