撐完迷途衛蘭 黎明禁室開臭煙派對迷途衛蘭負面新聞出街後，老闆黎明上周六（9月1日）專程由北京返港，拖住衛蘭、衛詩兩姊妹演出《A Johnnie Walker Music Show 901音樂會》，以行動力撐旗下歌手。
當晚黎明撐完衞蘭後，沒有與旗下歌手到CEO Neway 慶功，反而回家會合女友樂基兒，趕赴老死關兆昌的生日派對。據當晚的蒲客爆料，黎明當晚在Basement 打通了兩間房間，門內門外全晚有四名西裝保鑣駐守，猶如禁室，房間更傳出陣陣濃烈的臭煙味。黎、基逗留了兩小時多，出來腳步浮浮，身上更充斥著濃烈的非一般味道。
面紅high 爆離場
蒲到凌晨2時許的黎明，出來時不但滿臉通紅，更一改平日cool 爆作風，不停向記者
笑揮手，而尾隨的樂基兒則腳步浮浮，目光游離。
上周六晚，黎明響會展新翼壓軸演出完音樂會後，未有接受訪問便匆匆離開，走得咁急原來為了趕下場。只見他返家更衣後，便會合女友樂基兒齊齊到銅鑼灣夜店Basement ，參加一個勁high 的生日派對。
四保鑣封門
據知當晚是黎明的老死關兆昌生日，黎明更親自替好友book 了Basement 的兩間房間，眾人未到場前，侍應已把兩間房打通，並將一大箱烈酒擺放在房間里。黎明更罕有地聘請了四名身材魁梧的西裝保鑣，兩名在房外駐守、一名在房內守候，另一名則在房外與走廊間巡視。
黎明與女友約凌晨十二時前後腳抵達，男的兩手fing fing ，落車後一支箭咁飆入Basement ，由於房內設有洗手間，兩人入房後未有再走出來，其間只見黎明的好友兼A Music 高層王凱文出過來打電話。
當晚一名蒲友話︰「黎明開P 真係好大陣仗，佢啲『實焦』個個都眼厲厲。好奇望吓啫，佢哋即刻掘住我。黎明入嚟嗰陣我女朋友想搵佢簽名，但班保鑣響兩邊擋開晒啲人，根本冇人埋到佢身。莫講話外人，連侍應都冇入過房，總之就係生人勿近啦。
禁室平面圖
黎明吩咐三名保鑣守門口，連房內亦有保鑣𥄫到實，如此高度設防，可以玩得放心。
黎明（右一）與賽車手關兆昌（左二）私交甚篤，兩人更是鄰居同住樂景園，關與老婆陳瑞琪更不時與黎明樂基兒去旅行。07年2月，他們便到北海道度假。
孖住蒲
黎明自從與樂基兒熱戀後，秤不離鉈，每次夜蒲都帶埋女友，仲要係私隱度高的club 。06年1月，兩人在中環士丹頓街的酒吧蒲到凌晨一時許才離去。
濃烈煙草味
「之後個場有勁濃烈嘅煙草味，又攻眼、又咽喉，臭到爆！我蒲咁多次Basement ，最臭都係嗰次。每次佢哋間房嗰個長毛（估計是王凱文，即黎明唱片公司的高層）走出嚟傾電話，佢一開一閂度門，嗰陣強勁嘅煙味，差啲搞到我窒息。」
據知該打通了的VIP 房可容納近四十人，但當晚與黎明在房內的只有廿人左右，全部都是圈外人。
本刊找來當時在大廳參加另一party 的吳卓羲，問及當晚Basement 的空氣指數，他說：「嗰晚我朋友同我同一日生日，我收工咪落咗去飲杯嘢。見好煙，坐唔夠五分鐘就走，我知道黎生（黎明）響度，（見唔見到黎明間房門外有保鑣看守？）我冇行去佢嗰邊，佢間房響盡頭，對住bar 枱，我見唔到佢哋，不過我有問老闆點解有記者，佢就話黎生響度。（嗰晚個場係咪好多人，氣氛好好？）都幾多人㗎！（空氣特別混濁？）酒吧通常都係咁。」
不過，當記者提到現場有怪味時，吳即諗一諗話：「怪味？有煙味囉！其他我唔察覺。（咩煙味？）我唔食煙，真係冇留意，只知係煙味。其實我唔識黎生，我嚟到佢已經響入面。」
面紅腳浮浮
至於黎明與樂基兒，當晚玩到凌晨兩點半，便面紅紅、腳浮浮出來，一名保鑣先替樂基兒開門，樂基兒先行，行到樓梯間時，發現男友黎明還未追上，便站在一旁等候，兩人步出門外時，記者的鎂光燈不停閃。向來唔多騷記者的黎明，竟罕有地露出笑容，還傻笑同記者講拜拜，而他身旁的保鑣為免記者拍下兩人過high 的樣子，急急護主上車返回寓所。
High 出禍
不少藝人嗜煙飲酒，但往往因而情緒高漲闖禍，輕則趴街，重則鬧事被打。
鄭中基趴街
07年6月，鄭中基與導演葉念琛在中環餐廳的VIP 房用膳，其間鄭不停以手捲煙吞雲吐霧，房間不時傳出香草的怪味，他們吃完飯兩個多小時才離去，但離去時，腳步浮浮的鄭中基卻失重心趴街。
徐天佑爆缸
近年人氣急跌的Shine 成員徐天佑，不時蒲K 場及夜店。06年8月，他在蒲場Volar 內因high 大挑釁日籍演員鈴木仁起衝突，有指混亂間他被人掌摑幾巴，右眼角亦吃了一拳爆缸。
黎明與樂基兒上車時，四名保鑣團團圍住，以免記者近距離拍攝，非常大陣仗。
衛蘭近日誤入迷途，搭上TB 助手又捲入是非中，幸得老闆黎明力撐，依然工作不斷。
