英格蘭4強不敵克羅地亞出局，原來賽前發生咗一段小插曲。話說俄羅斯國家安全委員會喺賽前收到舉報，喺英格蘭訓練場捉到一個「間諜」。喺當地時間早上11點(香港時間下午4點)，即係英軍賽前最後一課操練嗰陣，佢竟然鬼鬼祟祟喺訓練場附近屋頂進行偷拍，影低咗球隊進行死球戰術嘅走位。
消息來源仲話，呢個男人係克羅地亞派去偷拍嘅間諜，但佢就死口唔認去影戰術，仲話只係拍球場全景，個理由咁荒謬，真係講都冇人信喇。最後當然就係刪除所有片先可以走喇，但偷拍得一次，通常都有第二次，好可能之前都已經得過手，唔通英格蘭就係因為戰術外洩所以輸波？
http://football.on.cc/cnt ... -0712_00882_001
