【分頭睇書】
陳子聰日前現身銅鑼灣誠品，和老婆何超儀分頭睇書。DV圖片
【銅鑼灣】賭王何鴻燊千金何超儀跟陳子聰結婚14年，兩人未計劃生兒育女，開心享受二人世界。雖然前年陳子聰因腸病入院，超儀停工貼身照顧老公，慶幸子聰大步檻過身體康復，夫妻感情更勝從前。日前兩人拍拖現身銅鑼灣，但不是去名店血拼，反而是到誠品書店買精神食糧，狂掃十本書。
拎到冇手
當晚約8時半，紮起辮仔的陳子聰身形甚弗，精神奕奕，老婆超儀就素顏上陣，戴上黑框眼鏡和帽子。
超儀夫婦在書店內流連各自揀書，在墨爾本長大的子聰主力揀選英文書，而超儀就在店內行來行去，各類書櫃都停低睇一睇，似乎興趣廣泛。女人強項是濕平，所以超儀揀書都有一手，好快已揀了約十本書，兩隻手都捧着大堆書，還要分一隻手拿着杯裝飲品。其間子聰非常體貼，未有催促老婆揀書，反而有耐性地撳手機等老婆揀心頭好。
【勁有耐性】
超儀慢慢揀，子聰全程陪伴未有催促。DV圖片
【收穫豐富】
超儀在書店走了一圈後，揀了一大堆書。DV圖片
【畀錢走人】
最後由超儀付錢，子聰就撳手機等候。DV圖片
有講有笑
見超儀揀了大堆書，充滿風度的子聰即一個箭步行去主動幫手，兩人站在一起細細聲說話。之後兩人又分開行，超儀耐心等老公挑選書籍，其間子聰揀中了一本書，又會跟老婆分享，兩公婆都有講有笑。在書店逗留了近一小時，最後有店員向他們通水行蹤曝光，兩人才走到櫃枱付錢，由子聰負責拿着一袋書離去。
事實上，子聰病癒後不時被影到和超儀有影皆雙，去年他更現身組合24味的新歌MV，而超儀亦已復工，最近推出新國語歌《章魚黑洞》，早前更聯同她的樂隊舉行巡迴演出。
採訪、攝影：朱志聰、黃曉程
