擁有36E強勁身材的「咪神」陳婉衡（Alycia）去年參演不少電影，分別有喊戲、打戲及性感演出，發揮機會不少。身形Fit爆有腹肌的她直言想開拓打女路線，但講到最難演的角色，女人味十足的Alycia竟然覺得是性感尤物！
外表女人味十足的陳婉衡，竟然覺得性感角色最難演！
「咪神」陳婉衡去年在多部電影中分別飾演性格截然不同的角色，首次挑戰喊戲及打戲，並在賀歲片《我的情敵女婿》中客串演最拿手的性感尤物，問到最難演繹的是哪種角色？身材出眾的她竟表示是Sell性感：「最難係性感呀！其實我真人一啲都唔女人，好粗魯，有時拍戲嗰陣大家叫我再姣啲，我就將僅餘嘅女人味挖出嚟，依家明白做戲唔係做自己，所以要忘記本身幾咁粗魯。」
開槍搞到有幻聽
至於最喜愛的角色類型，Alycia直言拍完警匪片後愛上做打女，希望有機會繼續鑽研電影動作：「除咗打戲，仲有拎真機關槍，有次唔記得咗戴耳塞就開槍，隻耳仔幻聽咗幾日，不過都冇驚咗拍動作片，惟有之後再小心啲！」
做KOL教Keep Fit
此外，經常運動及旅遊的Alycia計劃踩過界做KOL，拍片與Fans分享這兩個範疇的樂趣，她說：「不時有人私訊我問我點做運動，我可能拍吓片教大家點Keep Fit，點樣喺屋企做啲簡單嘅運動，仲有煮健康餐，有時將自己生活習慣轉變少少，就有好大分別，其實Keep Fit唔係咁難嘅事，每日都可以做到。」Alycia表示她在青春期時其實頗有肉地，而且懶做運動，直至入行後為加強體能應付拍攝，才開始做運動，其後愈來愈上癮愛上操肌，她直言可以將心得跟觀眾分享。
陳婉衡自認係一個粗魯嘅女仔！
陳婉衡拍戲，與Ben Sir、MC Jin、葉念琛及鄧梓峰合照。
陳婉衡希望繼續鑽研電影動作！
文：立影
攝：張福宏
場地：文道刺青
