蒙面深夜出動鄭俊弘何雁詩，蜜遊東京夾公仔

Fred與何雁詩拍拖遊日，二人齊齊去夾公仔，可惜冇收穫。讀者提供圖片
【爆相爆片】鄭俊弘（Fred）跟何雁詩前年10月到美國為無綫拍節目時秘密撻着，兩人瞞戀近半年後，被Fred當時未婚妻踢爆偷食，最後他情歸新歡何雁詩。去年4月兩人拖手認愛，但同時承受公司壓力頻傳情變，先有傳何雁詩醉酒割脈，之後兩人再有虐狗疑雲。其實兩人戀火一直未停，日前更被爆蜜遊東京。

去年4月，鄭俊弘與何雁詩於機場十指緊扣認愛。資料圖片

鄭俊弘昨日透露跟女友遊東京時碰到不少朋友。

全程周圍望
本報讀者波先生透過「爆相爆片」分享何雁詩和Fred早前在日本新宿夾公仔的甜蜜時光。波先生表示何雁詩少女心爆棚：「嗰晚11點幾，見到佢哋喺新宿一間舖頭夾比卡超公仔，當時何小姐好努力咁夾，但鄭生就企喺側邊冇幫手，有時望兩眼女友，但幾乎全程都係周圍望，好似驚死俾香港人發現影相咁。」當時兩人都戴了黑色口罩遮樣，何雁詩的銀色羽絨非常搶眼，波先生說：「何小姐夾極都夾唔到隻比卡超，最後空手而回，離開舖頭冇拖手冇攬腰。」

自爆去旅行
問到是否跟男友預支蜜月時，何雁詩只以「微笑」及「拜託」表情符號回覆。昨日Fred到商台宣傳新歌《起跑線》時，透露早前跟何雁詩東京之旅，碰到好多台前幕後朋友。對於在遊戲機店被影，他估計是一對教自己夾公仔的男女所拍。
另外，Fred透露新歌可能是潛意識寫出內心感受，填詞張美賢又在無討論下寫成作品：「收到份詞好感動，暗示叫我撐住。我哋平時唔討論自己嘅嘢，但會靠一首歌一份詞關心鼓勵對方。」目前Fred忙於籌備三月美加演唱會及之後出碟。
採訪、攝影：馬建華
鄭俊弘遊日知道被偷影
歌手鄭俊弘（Fred）昨日到電台宣傳新歌《起跑線》，他介紹今次是第一次用鋼琴作曲，曲風有別於以往的輕快，又多謝填詞人張美賢：「多謝佢透過歌詞暗示叫我撐住，好感動。」問到Fred早前被影到與何雁詩同遊日本，他說：「今次去日本都撞到好多朋友，我哋玩緊公仔機嗰陣，有兩個唔識嘅香港人走埋嚟教我哋點玩，應該就係佢哋（影），佢哋好Nice嘅。」

歌手鄭俊弘（Fred）、張惠雅（Regen）、梁舜燕及劉敬雯昨日出席長者活動，Fred透露今次特別為節目即席創作30秒短曲，笑言是很大的挑戰。他表示農曆新年母親會留在港，有時間會去女友何雁詩家中拜年。他又透露家姐即將生B，坦言首次做舅父，心情極興奮：「自己都好鍾意小朋友！（幾時到你？）做好事業先，玩住家姐個女先。」至於情人節，Fred表示忙於籌備3月舉行的演唱會，暫時沒準備慶祝活動，但知道女友會體諒。

鄭俊弘就快做舅父，諗起玩B就興奮。

至於Regen透露正計劃全職讀中醫，惟今年的工作排得密密麻麻，要押後計劃：「如果要讀嘅話要讀5年，最想就係考廣州嗰間。」

張惠雅計劃全職讀中醫，不過就要再度期。

Regen經絡按摩招朋友
Regen昨日跟鄭俊弘出席港台活動，她表示中醫課程要押後。

張惠雅（Regen）和鄭俊弘等昨日到港台，擔任《長進課程》開學禮嘉賓。活動上Regen分享藥用食材效用，原本計劃今年到廣西或廣州修讀中醫大學課程，但工作排得太密要押後一年，她說：「我都入行十年，都覺得好難再喺呢行有好大滿足感，所以想向自細有興趣嘅醫學發掘吓。」另外她又修讀經絡課程後，特別了解按摩那些經絡部位特別舒服，引來朋友常借意找她按摩。

鄭俊弘透露家姐下月誕BB女，首度榮升舅父的他直言會寵壞外甥女，談到下周情人節如何慶祝，他謂未有任何準備及計劃。

採訪、攝影：馬建華

鄭俊弘（Fred）同何雁詩（Step）呢一對，自從去年認戀拍拖之後，雙雙形象大插水。女嘅傳情緒波動搞到鎅手自殺；男嘅又話虐狗。不過，佢哋兩位當事人依然愛得癡迷迷。好似早前東姑去日本旅行，喺新宿歌舞伎町一間遊戲機中心，居然都畀東姑撞到佢哋，拍住拖去玩夾公仔。

明知道日本多香港遊客，見Fred同埋Step都好煞有介事，齊齊戴住黑色口罩遮住個樣。不過，玩起上嚟難免忘晒形，兩個只係沉醉於二人世界，對住部夾公仔機，睇準個Little Twin Stars狂夾咗個幾鐘頭，玩到似老竇姓乜都唔記得。同場仲見到有「天下第一關」之稱嘅鄭紹康，但佢兩個淨係自己顧住玩，玩到好似完全唔識人咁，睇嚟真係戀愛大過天喇！

Fred陪女友Step拍拖遊日本東京，期間狂玩夾公仔。原先，兩人都有戴口罩，但Step玩到鬆懈，口罩愈拉愈低。

兩個沉醉喺二人世界裏面，竟然冷落咗有「天下第一關」之稱嘅鄭紹康，玩到似唔識人。

佢哋瞄準一部夾公仔機夾Little Twin Stars公仔，相信係Step心頭好，而Fred為冧女友，惟有搏命夾。