香港已經比起外國遲咗成個星期都仲未有得玩，以一隻Online Game 來說，一個星期Level 已經可以相差好遠，尤其是Pokemon Go 還要無分國家有唔同Server，亦即是當香港開Server 後，外國玩家只要在香港的道場放一隻高CP 的小精靈，香港玩家初期確實是無辦法對付。所以當香港開Game 之後，應該要點玩先可以拉近同其他玩家的距離？
準備篇:別給初期玩Pokemon Go 流量嚇到相信好多人都好關心Pokemon Go 會用幾多數據，始終作為一款線上遊戲，仲要不斷上下載周圍環境的數據，而且遊戲玩法要各位wire 民走來走去，基本上都無得用WiFi，而且又要使用GPS；又要下載地圖，仲要時時刻刻更新，使用量應該不細吧！不過經過多日來的實測，Pokemon Go 原來出奇地細食，除咗開Game 前要下載5xMB 資料外，玩幾日都只係用上幾十MB 數據，比起大家平時串流睇一套劇仲要少！
必備後備電至於耗電量方面，簡直叫人絕望！就算新機LG G5，如果長期Keep 住玩，大約只可以頂到到兩個鐘左右，消電速度簡直過份！加上Pokemon Go 同一般手遊唔同，無體力限制，一遇精靈就要開Game，如果挑戰道館就更加要隨時隨地睇到實，雖然隻Game 設定部份都有省電模式、不使用AR 等，但就會減少好多遊戲樂趣，不如做個真男人，準備定奶媽（流動充電器）啦！其實Pokemon Go 咁大食，就同佢個玩法好有關係，由於要長期開住GPS，又要用流動數據下載地圖，玩既時候又要螢幕相機一齊開，基本上電話上面最耗電的功能佢都用齊，唔食電真係搵鬼信！
Pokemon Go Plus 買定唔買？真係估唔到，一隻手遊都要用到周邊，就係Pokemon Go Plus，原價35 美元的提醒攜帶式裝置，如果作為一隻遊戲，加上係小精靈Fans 就認真唔貴，計返做港幣都係兩三舊水，不過好遺憾現時已經炒高好幾倍，成千蚊買個震動提醒器，就真係見仁見智啦！
反而有部叫做Pokedrone 的無人機就有趣得多，大家都知近水樓台，水系精靈梗係出現係有水嘅地方，不過捕捉範圍只有5 米，唔想有得睇無得食，Pokedrone 幫到大家，直接飛去捉精靈，既輕鬆又簡單！
起手篇:新手先衝等別忙找小精靈遊戲開始！應該從何入手？首先還是乖乖練級吧！雖然大家都可以係同一個地方捉小精靈，但同樣的小精靈都有唔同CP 值（攻擊力）上限，直接取決於玩家的等級，所以理論上大家角色的Level 越高，搵到CP 值越高的小精靈機會越大，雖然CP 可以後天修煉（CP 值可使用大量稀有星辰(Stardust)和精靈糖果(Candy)修煉）。
但要贏在起跑線的話，當然將稀有素材用於本身CP 值高的精靈身上啦！另外等級高仲有好多優勢，例如等級愈高，PokeStops 刷到嘅道具等級亦越高，唔想用普通精靈球？強力球就要玩家達到12 級先開放！而且等級越高，大家腳下的圈子就越大，就越容易靠近小精靈同PokeStops。
努力去PokeStops 刷爆Poke Ball捉小精靈就要用到精靈球架喇，但之前都曾經同各位wire 民分享過，就算你技術再好，有時都未必可以一次就成功捉到，所以呢精靈球一定越多越好。除咗課金同升級之外，去PokeStops「補給站」刷精靈球就一定唔可以懶。地圖上面出現光圈並顯示一個藍色菱形立方體標誌嘅就係補給站，每5 分鐘可以補給一次，如果大家公司、學校有一個，就真係恭喜曬！之前小編試玩時，只要2 個鐘就可以刷到超過200 個精靈球，所以基本上精靈球都唔會缺。根據外國情況，好多補給站都係餐廳附近，若然同時出現補給站同精靈，建議先刷道具，再捉精靈。
新手捉小精靈留意腳印數相加減向來「地利」都好重要，捉小精靈都要睇地點，如果精靈越多的地點，自然用越少時間就可以捉到越多小精靈。螢幕右下角會有一個Nearby，一開始已經會顯示圈入面會出現的精靈，另外點擊Nearby，會睇到附近小精靈同自己的距離，如果無顯示腳印就代表立即遇到，而腳印多少就代表距離有幾遠，一個腳印即代表50 米；兩個100 米，而三個只代表最遠，但唔一定指150 米。
要有效捉到越多小精靈，就要先選定好小精靈，再朝一個方向走，留意腳印變多或變少，反覆嘗試方向就會比較容易搵到，如果出現腳印數不變，就要直角轉方向再走。另外仲有Lure Module (撒櫻花)同Incense (香爐)嘅道具幫手，可以在指定時間入面吸引更多附近的小精靈。
閉關AR 功能更易成功捉小精靈的方法比想像中簡單，點擊精靈進入對戰再向它扔出精靈球，不過就要留意每次小精靈身上有一個外圈同內圈，捕捉難易度以顏色表示，綠色為最簡單；黃色屬中等；紅色為最難。當然越難捉小精靈就越強，另外投球技巧都好重要，投出Nice、Great、Excellent 都會提高戰鬥經驗值，呢度就可以俾少少建議各位小精靈訓細員，遇到較強的小精靈時，可以暫時關閉AR 功能，因為距離感判斷會更好。
Lucky Egg 留後期更有著數當大家捉到小精靈之後就要練級，要有效練級就一定要用上Lucky Egg(幸運蛋)，因為可以在30 分鐘內獲得雙倍經驗值，同一般遊戲嘅寵物升級一樣，初期升級好容易，但一到後期就好難，所以Lucky Egg 留到後期先用，其實都無咩意義。相反建議玩家當有充足時間，可以狂捉小精靈時用，就唔會浪費30 分鐘。
from:
http://unwire.hk/2016/07/18/pokemon-go-catch/game-channel/
