曾江忽道歉四哥：唔記得咗

1^# 大中小 young 發表於 2015-12-7 13:52 發短消息

謝賢（四哥）今年8月在《四個小生去旅行》記者會上怒摑曾江，全城哄動，四哥直斥曾江自大兼乞人憎，又大爆曾江嫌他配音NG阻收工等等。事隔多個月，曾江忽然在昨日一專訪中向四哥道歉，承認自己做錯，他並非有心傷害四哥，只是無意中刺中他痛處，希望四哥原諒。記者昨致電四哥，對於曾江道歉，四哥說：「道歉咪道歉囉，都過咗去，過咗咁耐，仲提嚟做乜，我都唔記得咗。」曾江則至截稿前未聯絡得上。

當日胡楓（修哥）無辜遭四哥打甩眼鏡，對曾江向四哥道歉，修哥昨在電話回應說：「咁咪好囉，幾十年朋友，有乜所謂吖，一笑泯恩仇啦，其實都唔係仇，只係一啖氣啫！」

採訪：陳傑、魯吉
from:http://hk.apple.nextmedia ... 151207/19402023

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-5-27 22:08 發短消息

曾江肯同四哥玩《矛盾》

林保怡及廖碧兒等昨日到西貢與曾江拍外景。

ViuTV連續劇《瑪嘉烈與大衛系列綠豆》昨日在西貢樟木頭老人度假中心拍外景，除了主角林保怡、廖碧兒及潘燦良，還請來十多年冇拍電視劇的曾江客串，飾演潘燦良的父親。

戴助聽器的曾江精神不俗，雖然右耳只剩一成聽力，但中氣十足，他大讚ViuTV之前找來曾鈺成及梁國雄參與《跟住矛盾去旅行》：「我有留意兩個『唔咬牙』嘅人去旅行，呢個組合去真係服咗佢哋。」問到曾江如被邀請，會否考慮與「唔咬牙」的人去旅行？他說：「反正我呢世人都同人『唔咬牙』，個個咬牙有乜嘢意思？」記者問曾江口中所指「唔咬牙」的人是否四哥謝賢？他說：「唔好講人呀！」問至今有否聯絡？他說：「冇，平時都冇乜聯絡。」問曾江如再獲安排與四哥去旅行會不會去？他說：「我有乜唔肯？」

採訪、攝影：卓寶花
from:http://hk.apple.nextmedia ... 160525/19625861

TOP

3^# 大中小 young 發表於 2018-2-20 14:51 發短消息

曾江腳震震老婆撇甩

八十三歲嘅曾江（Ken哥），講過話自己永不言休，只要一日仲做到，都會繼續演戲做落去。早前，佢拍一套內地電影《忘憂酒吧》，仲拒用替身，由自己親身上陣吊威吔，吊上半層樓高拍一場戲，專業精神可嘉之外，老當益壯，東姑都戥佢開心。之前，佢因為痛風，行動不便坐住輪椅拍無綫節目《4個小生去旅行》，o依家睇嚟身體好番晒。

不過，東姑早前喺九龍城遇到Ken哥同Ken嫂焦姣。現場所見，佢雙腳似乎就冇想像中靈活，行路仲要趷下趷下，一路行一路腳震震咁，可憐焦姣仲唔係咁體貼，全程蹺埋雙手，冇話扶下照顧下老公，自己健步如飛行前，老公就畀佢丟低咗經常大墮後，好吃力先追趕到老婆。

而且，兩公婆年紀都唔細喇，過馬路都唔打醒十二分精神，竟然貪一時之快，見到綠公仔就打斜角橫過兩個燈口。一把年紀行得慢，而啲燈又轉得快，其實幾危險；見Ken哥「論論盡盡」咁，東姑都替佢「牙煙」。其實，敬業樂業，做嘢拍戲就話瞓身搏命啫，平時行街又何須咁搏？Ken哥真係要錫住自己喇！

Ken哥同Ken嫂焦姣，可能太過老夫老妻，出街都各有各行，冇乜傾偈交流。

焦姣蹺埋手，好唔體貼，冇扶下或者照顧下隻腳有事嘅Ken哥。

兩公婆見到綠公仔，打斜行，橫過兩個燈口，似乎唔係咁守交通規則噃。

焦姣一馬當先過馬路，Ken哥就跟喺尾，一路行、一路腳震震。

步履不穩嘅Ken哥，一路追趕住老婆嘅背影，睇嚟好似好辛苦咁。

早前，Ken哥開心嫁女，佢同前妻鄧拱璧所生嘅囡囡曾慕雪，喺國外舉行婚禮。

TOP