各位sis，本人想share 自己一d唔愉快的經歷，自己都覺得好蠢
。所以希望大家團購要小心，我的遭遇係咁嘅：-
我同朋友係2012年2月份响一個名為"BE*CRAZY"的團購網買咗"3支4合1 HPV子宫頸癌疫苗"由美X醫療中心所辦。第一次注射疫苗的日期係3月份，注射疫苗的時候已經發現d疫苗放在室溫之中，雖然覺得奇怪，不過我相信唔會有假的疫苗，同埋佢地係醫務人員，會比本人專業。根據該診所的醫務人員的指示，注射第二次疫苗應該是兩個月後的一星期內即係5月份內，否則疫苗將會失效。
之後已經係4月中預約注射第二次疫苗的時間，可惜在注射疫苗當天(2012年5月8日)，該診所的職員打電話通知取消是日預約，並會在數日內回覆及安排是次注射疫苗的時間。之後個日(2012年5月9日)，我就收到診所職員來電通知改期到2012年5月10日並確認時間。在2012年5月10日，本人再致電confirm當日預約的時間，可惜該診所職員竟然說:"是日預約取消，同埋已經致電通知。難道你無收到電話通知要取消預約咩﹖"可惜，事實上我當日完全没有收過任何由該診所的來電。之後我好驚疫苗會失效，所以我就立即要求該診所儘快安排注射第二次疫苗的時間。之後該診所的職員立即安排我到另一間診所注射第二次疫苗，當我寫診所的名字及地址時，發現診所的名字係另外一個名，仲要完全唔同。我立即就覺得有可疑並詢問:”此診所是否美x醫療中心名下的醫療中心﹖”該診所的職員回覆本人:”是的，係美x醫療中心名下的醫務所。”當我到達該醫務所時發現該診所非常簡陋，與一般舊式診所相若。我再細看之下發現該診所並無可以安放疫苗的相關設備(即無儲存疫苗的醫療雪櫃，眼見他們將疫苗又放在室溫之中。)，我就更加對該診所所提供的疫苗失去信心，同時亦擔心注射此疫苗後對我的身體會否出現問題。
之後我就覺得好有問題，同時就發現左婦女會係假的，醫生係無牌的，check過藥廠佢地話無賣過疫苗畀佢地(疫苗係不知名的)。咁我send投訴信畀佢要求全數退還，佢地堅持只會按比例賠錢，(P.S.佢地無check清楚d合作伙伴咩?無check清楚就亂寫野，誤導市民。就連我地都check到佢地有問題，點解BE*CRAZY又check唔到呢?)
各位sis黎評下理，明明係佢地有問題(仲要係BE*CRAZY知道醫療中心有問題)，仲要攪到我宜家都唔知打左d咩係個身體度。佢地一句話”你地已經享用咗呢個服務，我地係唔會賠。”點解佢地可以做到咁無良心?美x醫療中心d人咁無醫德。點解呢間團購網可以對自己的失誤唔負責任?所以麻煩各位sis支持一下,請幫我將呢個message forward開去，我唔想畀d不法商人消遙法外，佢地的行為好可恥，佢地係唔覺得自己要負任何責任，只要有錢賺就得。希望大家支持一下，幫手forward 出去~~pls
