西班牙
2008歐洲國家盃冠軍,球星如雲,世界一級門神卡斯拿斯,四大聯賽除英超外,相信為最多人認識及收睇的西甲
今屆亦被形容為10年最佳陣容,世界盃的熱門爭標隊伍.
抽中的H組,論實力佢地應該係超班,所以賽前應該無人會認為,西班牙會係頭場就輸.
大家只係會諗,佢地必定為H組首名出線,16強要對G組次名出線的球隊,到底係唔係葡萄牙?
但經過昨晚的比賽後,我相信大家都要買新眼鏡,而我在西班牙旅行的朋友,亦說西班牙的人根本不相信.
到底是輕敵?是世界盃的宿命?是甚麼原因?每屆均被視為有力爭勝的西班牙,世界盃的最高名次為第四名.
假如西班牙只能以H組次名出線,16強極大機會要面對巴西,並非西班牙無力贏巴西,但假如16強即要面對如此一場硬仗......
有好多人認為,西班牙與英格蘭有相似的地方,太過頻密的賽程,太遲收爐的西甲,令球員未有足夠時間休息......但點講都好,英格蘭的國家隊球衣上,始終都有一粒星,代表佢曾為一屆世界盃冠軍,但西班牙.......
32支球隊經已全部亮相,有令人驚喜的北韓,但亦有太多太多令人失望的隊伍.
以上只係我個人感想..........我只想睇到心目中的西班牙.好在我無近視,否則今屆開鑼到呢一刻,已經要買好多副新眼鏡了
如果您喜歡這篇文章，請按「讚」或分享給您的朋友，以示鼓勵。
