由著名軍事小說家Tom Clancy 監修的軍事game ，包括《Rainbow Six 》及《Ghost Recon 》都係好玩到爆兼勁真實的FPS 遊戲。今次阿Tom 將賴以成名的軍事FPS 移植到戰機身上，一樣係玩FPS ，不過係揸住戰機玩，由地面攻防戰殺到上空中，完全運用空軍攻防戰略，而所有戰機及裝備都依足現實科技。
就算打FPS 唔叻，淨係一嘗第一身駕駛飛機經驗，已經等如玩緊模擬飛行，加埋專屬飛機控掣器，同真正揸飛機冇分別！免費文章
機種：XBox 360
廠商：Ubisoft
類型：射擊
人數：1-4 人（單機）、1-16 人（online ）
售價︰普通版$329 、限量版專用控制器$539
1
1
2
3
空戰三人行
故事背景發生在2012 年，同《Ghost Recon 》的故事時間重疊，所以部分《GR 》情節都會出現在內。玩家則一如《Rainbow Six 》般，隸屬空戰精英部隊「H.A.W.X.」（High Altitude Warfare —Experimental Squadron ），既有自己的第一身戰機，亦有2 個電腦同伴同行，組成一個3 戰機小隊。遊戲包括空對空及空對地作戰任務，例如玩《GR 》時可以召喚空軍支援，如今故事中你就是被召喚的戰機，驅逐敵軍及在空中保護戰略據點，仲有主菜，空對空戰機狙擊。
1 遊戲著重真實，操作戰機時的觀景角度當然有第一身機艙視角及第三身機外視角。
2 學識揸飛機亦係遊戲重點，例如飛機轉彎唔同揸車，將控制桿推右就轉右，要先打側機身再畀油推進才會向右飛。
3 以往的FPS 要靠自己對準目標射擊，戰機就唔同，所有攻擊都有電腦鎖定目標，一見到紅框代表目標已鎖定，按B 掣放導彈就搞掂。
a
b
c
必賣！超逼真飛機手掣
a 從來揸飛機都係單手搞掂，所以Ubisoft 特地推出單手操作的專用飛機手掣，比起雙手操作的joypad 更逼真。
b 一隻手指公可以搞掂鎖定、發射同ERS 導航，勁方便。
c 加速同減速都有推桿，同真飛機一樣。
4
5
6
7
8
9
狙擊赤色框框
由於一切攻擊武器都有自動鎖定系統，咁隻game 有乜難度呢？原來擁有超高戰機駕駛技術的話，係可以避開導彈的狙擊，所以當你以為敵機已經被紅色框框中再按發射實中，其實都要一番追逐至完成。加上部分任務如在3 分鐘內攔截敵方轟炸機，3 分鐘內搞唔掂一樣mission fail 。又例如要為將軍架飛機護航，假如被敵方偷襲成功，又會game over ，同普通FPS game 一樣咁刺激。
4 呢支MultiAA 導彈，一次可以擊落4 個目標，殺得相當痛快。
5 空對地轟炸時就要改用bomb ，畫面立即有個紅圈話你知轟炸有效範圍。
6 萬一被敵方導彈鎖定，電腦會提你按X 掣啟動ERS 導航系統，跟住紅色三角形逃走就可以避開。
7 假如被擊中，畫面會好似受電波干擾，出晒雪花，咁就要留意右下角能量指數，變0 就墜毀。
8 當慢慢操熟部戰機，電腦就會教你一些好似揸車甩尾般高難度空中動作，方便殺敵。
9 玩普通FPS 會靠升呢增加武器選擇，呢度就愈玩愈多飛機選擇。
送1 套限量版專用控制器
好game 值得一講再講，仲要送畀大家添！呢套限量版手掣市面唔多，想要就請將姓名、電話及地址email 去mailto:face888@gmail.com ，註明「我要HAWX 」即可。得獎名額1 位，可得到《H.A.W.X.》限量版專用控制器1 套，截止日期3 月18日。
總評：好玩但會頭暈
高速狙擊加軍事任務，化身成空軍FPS ，題材極新。而非常軍事化的任務再加指揮隊友，玩落亦唔悶。最正係可以網上16 人連戰，分成2 隊8 打8 互殲或16 部戰機大亂鬥更係無比興奮，因為成個天任你飛，冇框框阻住你。不過玩唔慣立體game就要注意，飛機經常360 度旋轉或急墜，好易玩到頭暈。
