我之前出左張"恒生個enjoy卡",自從有左張卡之後有問題漸生了,起初我"嘟"(八達通)入閘(火車)經常發生"b~~~",我估係讀取失敗就係咁,尤其出閘時發生(後面成堆人勁樣衰=.=),有時拍卡等幾秒先嘟到,巴士重死,經常嘟都嘟唔到,搞到成日要攞張八達通出黎,最後張八達通壞左...
就算攞埋出黎都嘟都係發出"b~~~"
最頭痛既事發生了,我張八達通買左東鐵全月通($300),
我壞卡咪去客務中心換囉,點知個職員話check唔到有咩問題!佢重叫我要係綠色箭咀既閘口出...佢唔啃幫我,於是我去閘口再試多幾部閘機,結果都係唔得,咁我返去同個職業講,結果佢又提返係綠色航咀出,我話啃定無錯架啦,佢死死氣比張出閘卡我,出左閘問佢可唔可以幫我換卡佢話check唔到有咩問題所以唔啃幫我,呢次佢以為我玩野態度好差,最後唯有比隻中指佢,
其實我最想講係紅色字,因應我態度好好咁問,我重話可以同佢去閘機試比佢睇,但係佢態度好差同埋佢個時好得閒都唔啃幫我同埋係咁著我走去綠色箭咀...無助既市民...
放工後我照嘟入閘(竟然入到閘喎@@)當我以為張卡心情好左既時間返到去恆安站...出唔到閘,又係"b~~~"於是搵職員幫手,佢都係話check唔到有問題,但因為閘口好近我試比佢睇,佢親自出黎閘下之後終於啃幫我換卡。
於是我特意買左個卡片套放既張enjoy卡,直到一次我同呀媽返內地,但係我用e道過關時過唔到,部機顯示"請插入智能身分證",即係話佢張晶片壞左
試左2~3次我放棄了,行人手個d關卡。但出enjoy卡之前一直都無問題。(換身分證好似3舊水到...)
id同八達通我都唔知道係咪張enjoy卡整壞,可能放埋一齊嘟壞左,又可能自己壞...咁黑!!?
以上只係個人經歷,有無人又有同樣情況,同埋我對電子野唔熟悉又有無高人指點~
[
本帖最後由 yoyoman2409 於 2008-12-21 00:41 編輯 ]
