從房間往外望，橫空的汀九橋跟遠處的青馬橋組成難得一見的構圖。
金融海嘯會否令你取消聖誕外遊？退而求其次，可考慮和另一半在本地酒店過聖誕。多間酒店在聖誕期間推出住宿優惠，二人世界包豐富聖誕大餐和一晚住宿，消費$1,500左右，係金融海嘯下先有咁筍！
帝景Cafe Lido 一幕玻璃牆日間陽光灑落極為寫意，入夜後在此撐枱腳夠晒浪漫。
每位客人都會獲贈黑菌龍蝦一客，是簡單以海鹽和黑椒調味的新鮮龍蝦，先煎後烤而成，最後灑上黑菌碎，味道匹配，食落甘甜滋味。
特濃夜色
帝景酒店的聖誕住宿套餐，住的豪華海景房平日每晚已近$1,000，2人聖誕自助晚餐最平都要$700，桑拿、蒸氣浴、按摩池等設施平均都要$150一個鐘，再送埋葡萄酒和2人自助早餐，都只係$1,688，著數程度超乎想像。
這酒店的賣點是靚景，位處汀九橋底，面臨藍巴勒海峽遠眺青馬橋，每晚六時兩橋準時亮燈，是唯一有靚橋景的酒店。
「聖誕布甸一年才會整一次，平日好少機會吃到㗎！」帝景Cafe Lido 大廚Patrick 解釋，因布甸的主要材料冧酒果肉要醃上一年，所以每年聖誕過後就會醃定留待明年用。布甸味道偏甜，但賣相不俗又夠應節，一於食晒佢。
帝景酒店 聖誕餐飲住宿優惠
價錢：$1,668（12月24至09年1月1日）
包括：
．豪華海景客房1晚住宿
．雙人自助晚餐及早餐
．有氣葡萄酒1支
．免費使用健身室、桑拿、蒸氣浴和按摩池
查詢：37162890
住酒店唔淨止食同訓，酒店安排的特備聖誕節目多籮籮，相信總有一項能吸引你。
免費的薑餅工作坊中，大廚會教你做餅食，偷師係時候。
免費狂歡活動
港人度假，只求食和訓，最多加一項行街購物，便再沒有其他興趣了。其實奇趣玩意多的是，富豪機場酒店的聖誕套餐照顧住宿和飲食之餘，還特別炮製多項節目和遊戲，有雜耍和魔術表演、薑餅製作坊、烹飪班、小朋友獻唱聖詩等等。聖誕日會免費贈飲傳統聖誕特飲Egg Nog ，是用雞蛋和拔蘭地調校的甜味雞尾酒。31號除夕夜還有倒數派對舞會，有現場樂隊伴奏讓客人浪漫起舞，令你的假期留下難忘印象。
富豪機場酒店 節日夢幻住宿餐飲優惠
價錢：$1,536（12月19至09年1月4日）
包括：
．高級客房住宿1晚
．2人晚餐（可選西餐、自助餐、日本餐或上海餐）
．25號Egg Nog 特飲或31號除夕派對，若其他日子入住，亦可參加節日遊戲。
．2人自助早餐
查詢：22868688
住宿費全數回贈，食完大餐，還有餘錢同honey 去酒吧飲番杯。
沙田市中心各大品牌駐紮，未夠鐘食晚飯，可先行掃貨。戰利品帶回酒店房間慢慢試、慢慢襯，晚上扮靚靚食大餐。
$0住宿
麗豪酒店套餐的賣點是「免費」住宿，房租可全數用來食大餐，隨你鍾意在酒店內8間餐廳消費，無疑就是「你來酒店食聖誕大餐，我請你住一晚」。狂歡過後還可以訓個夠，翌日退房時間延至下午4時。經《忽周》格價，麗豪提供的住宿套餐屬全城最筍價！酒店面臨城門河，景致相對普通，但河道另一邊是沙田心臟購物重地，逛街消費最方便。
麗豪識飲識食住宿優惠
價錢：$1,696（12月24-25、31日）
包括：
．高級客房1晚住宿
．房租全數回贈，可於酒店內8間餐廳消費
．延長退房時間至4pm
備註：上述日子以外時間入住，再減$400，飲食優惠相同，優惠期至09年6月30日
查詢：21321213
諾富特東薈城的自助餐以質素超班、款式豐富的口碑聞名。玫瑰圖案的三文魚灑上香草，睇落精緻，食落亦肥美新鮮。
名牌自助餐
諾富特東薈城的自助餐非常出名──出名難訂位！一般都要排成個月才有位，長假期、節日就更加免問了。這次聖誕住宿套餐包一頓聖誕自助餐，千金也難求；再計計數，扣除自助餐消費，其實只加300元左右便可住一晚，價錢連住普通賓館都唔得啦。
東薈城雖然娛樂設施欠奉，不過商場網羅各大品牌的outlet ，地方寬敞，間間舖頭都是加大碼，你和伴侶可以盡情享受購物樂。
諾富特東薈城酒店 自在宿一宵
價錢：$1,388（12月24-26、31、09年1月1日）
包括：
．標準客房住宿1晚
．2人自助晚餐（Essence 或池畔燒烤）
備註：以上日子以外時間入住，再減$300，優惠期由12月19日至09年1月4日
查詢：36028800
Leisure
抵玩！本地酒店度聖誕
撰文：黃文英
攝影：梁幹持
部分圖片：麗豪酒店、富豪機場酒店、諾富特東薈城酒店提供
